Ովքե՞ր իրենց ձայները կտան ՕԵԿ-ին (video)
«ՕԵԿ առաջնորդը բարձր վարկանիշ ու քաղաքական մեծ փորձ ունի:Մենք հույս ունենք,որ «Օրինաց երկիր» կուսակցությունը կհաղթահարի անհրաժեշտ նվազագույն շեմը եւ խորհրդարան կանցնի Կուսակցության օգտին իրենց ձայները կտան նրանք, ովքեր ՕԵԿ-ի մեջ շոշափելի փոփոխություններ կատարելու հնարավորություն են տեսնում: Մեր օգտին կքվեարկի հիմնականում միջին խավը, բոլոր նրանք, ովքեր երկրում կայունություն են ցանկանում: «Օրինաց երկիրը» թավշյա հեղափոխության կողմնակիցն է: ՕԵ-ն Հայաստանի ակտիվ քաղաքական ուժերից մեկն է»,- Հայելի ակումբում լրագրողների հետ հանդիպմանն ասաց ՕԵ կուսակցության փոխնախագահ Մհեր Շահգելդյանը : Լրագրողների հիշեցնելու փորձերին, որ ՕԵԿ-ը նախորդ իշխող Հանրապետական կուսակցության հետ կոալիցիայի մաս է կազմել, Շահգելդյանը պատասխանեց, որ «դա, հնարավոր է, սխալ է եղել», եւ ՕԵ-ն կոալիցիայից դուրս է եկել 5-6 տարի առաջ: Նրա կարծիքով՝ հեղափոխությունից հետո անհրաժեշտ է ներկայացնել Հայաստանի ռազմավարական զարգացման ծրագիր: «Մենք առաջարկներ ունենք արտաքին քաղաքականության կուրսի վերաբերյալ»,- հայտնեց նա: Այսպես՝ ՀԱՊԿ առնչությամբ քաղաքական գործիչը համոզմունք հայտնեց, որ այս կառույցը Հայաստանի անվտանգության հարցում կարեւոր դեր է խաղում, հատկապես հաշվի առնելով այն, որ դրա շնորհիվ երկիրը կարող է հատուկ գներով զենք գնել:
Հետևեք մեզ Viber-ում
