Նիկոլ Փաշինյանը, կներեք, շատ դիպուկ բառ է՝ ափաշքյարա խախտում է Ընտրական օրենսգիրքն արդեն առաջին իսկ օրվանից.Աշոտյան (video)

«ՀՀԿ իշխանության օրոք վարչապետը մինչև ժամը 18:00 քարոզչության չի զբաղվել: Նիկոլ Փաշինյանը, կներեք, շատ դիպուկ բառ է՝ ափաշքյարա խախտում է Ընտրական օրենսգիրքն արդեն առաջին իսկ օրվանից, ավելին՝ սա միակ խախտումը չէ»,- ՀՀԿ փոխնախագահ, ԱԺ պատգամավոր Արմեն Աշոտյանը պնդում է՝ ՀՀ վարչապետի պաշտոնակատար Նիկոլ Փաշինյանը Գեղարքունիքում քարոզարշավ է իրականացրել և օգտագործել է վարչական ռեսուրսը: Աշոտյանը ԱԺ-ում լրագրողների հետ զրույցում նշեց  , որ Փաշինյանի թիմակիցները ՀՀԿ գրասենյակի մոտ հսկել են, մոտեցել իրենց աջակիցներին, կոնկրետ իր ընկերոջը, որ նախընտրական ենթաշտաբի պետ է, և ասել, որ այլևս չգա, եթե չի ուզում աշխատանքից զրկվել: «Ես կհետևեմ ԿԸՀ-ի արձագանքին»,- ասաց Ա.Աշոտյանը: Զավեշտ է,որ  երբ Փաշինյանն ընդդիմադիր էր, առավել շատ քննադատում էր ԿԸՀ և Վիճակագրական ծառայության ղեկավարներին, իսկ հիմա երկուսին էլ պահել է. «Կամ ժամանակին էր սուտ խոսում և էդ մարդիկ նկարիչ չեն, քանդակագործ չեն, մանրանկարիչ չեն… Ինչո՞ւմ է Նիկոլ Փաշինյանի այս ճակատագրական շրջադարձի իմաստը, երբ այդ մարդկանց ինչ ասես այս բեմից չէր ասում: Ինչո՞ւ ես պահել այդ մարդկանց, եթե նկարիչ են: Թե՞ չենք նկարել, պարզապես հիմա ես հասկացել, որ չենք նկարել, այսինքն՝ ասա, որ այն ժամանակ սուտ ես ասել, կամ սխալվել ես: Թե՞ քեզ էլ է պետք նկարել հիմա»: