ՀՀ-ի համար ԵԱՏՄ մաքսատուրքերի բաշխման լրացուցիչ մասնաբաժինը շարունակելու է կիրառվել

«Ղրղզստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու վերաբերյալ» 2014 թվականի դեկտեմբերի 23-ին ստորագրված պայմանագրում փոփոխություն կատարելու մասին» արձանագրությունը վավերացնելու մասին համաձայնագիրն ընդունվեց  71 կողմ, 1 ձեռնպահ ձայների հարաբերակցությամբ: Արձանագրությամբ առաջարկվող փոփոխության ընդունման դեպքում ՀՀ համար կիրառվող ներմուծման մաքսատուրքերի գումարների բաշխման 1,220 %-ի չափով նորմատիվի կիրառման ժամկետը կերկարի մինչև 2019 թ. դեկտեմբերի 31-ը: «Համաձայնագրի ընդունումը ենթադրում է, որ մեզ համար լրացուցիչ բաժին ընկնող մասնաբաժինը շարունակելու է կիրառվել մինչև 2019 թ. ավարտը: