Նախագահի նստավայրը կտեղափոխվի .նախագիծն ընդունվեց

64 կողմ, 2 դեմ և 1 ձեռնպահ քվեարկությամբ  ԱԺ-ում ընդունվեց «Պաշտոնատար անձանց գործունեության ապահովման, սպասարկման և սոցիալական երաշխիքների մասին» Հայաստանի Հանրապետության օրենքում փոփոխություններ և լրացում կատարելու մասին օրենքի նախագիծը: «24-ժամյա ռեժիմում նախագծի հեղինակների կողմից առաջարկներ չեն եղել, առաջարկ եղել է միայն ՀՀԿ-ի կողմից, որով առաջարկվել է՝ ՀՀ վարչապետին սպասարկող ինքնաթիռից և ուղղաթիռից օգտվելու այլ անձանց  կարգը վարչապետի փոխարեն կառավարության կողմից սահմանվի, և այդ տեղեկությունը հրապարակային դառնա: Այս առաջարկը որևէ ձև չի առնչվում կառավարության կողմից ներկայացված նախագծին, այն լրիվ այլ է և վերաբերում է միայն ՀՀ նախագահի և վարչապետի նստավայրերին»,-ասաց  հիմնական զեկուցող, արդարադատության փոխնախարար Արթուր Հովհաննիսյանը: