«Ախր ինչո՞ւ...». Հրանուշ Խառատյան

Ազգագրագետ Հրանուշ Խառատյանը ֆեյսբուքյան իր էջում գրել է. «Հարգելի Նիկոլ Փաշինյան, ախր ինչո՞ւ Դուք քարոզարշավի երթի համար ընտրեցիք նոյեմբերի 24-ը: Հենց այն օրը, երբ մենք ՀՀ ԳԱԱ նախագահության նիստերի դահլիճում ժամը 12-ին սկսում ենք «Ադրբեջանահայ փախստականություն: Քաղաքական, մշակութային, հասարակական խնդիրները 30 տարի անց (պատճառներ, ընթացք, ինտեգրացիա, հեռանկարներ)» գիտա-գործնական գիտաժողովը: Հիմա ո՞ր լրատվամիջոցը կգա լուսաբանելու մեր գիտաժողովը, երբ Դուք փողոցները հեղեղելու եք հեղափոխականներով: Այլ բան կլիներ, եթե Դուք քայլերթով գայիք մասնակցելու գիտաժողովին, որի ծրագիրը ներկայացվում է ստորև: Կգա՞ք, կմասնակցե՞ք: Հավատացեք, որ ադրբեջանահայ փախստականների չլուծված խնդիրների լուծումներում, թե արտաքին, թե ներքին քաղաքական օրակարգում նույնպես հեղափոխական փոփոխություններ են պետք: Լրատվամիջոցներին սպասում ենք «Ադրբեջանահայ փախստականություն: Քաղաքական, մշակութային, հասարակական խնդիրները 30 տարի անց (պատճառներ, ընթացք, ինտեգրացիա, հեռանկարներ)» 12.00- Գիտաժողովի բացումը: ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյան Առաջին նիստ. «Ադրբեջանահայերը ԽՍՀՄ փլուզման լաբիրինթոսում: Ադրբեջանի հայաթափումը: Նիստը վարում է Պավել Ավետիսյանը 12.10-12.25- Զոլյան Սուրեն, ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ, Սումգայիթյան ջարդերը և Խորհրդային Միության Փլուզումը: 12.25-12.40-Մարության Հարություն, Հայոց ցեղասպանության թանգարան ինստիտուտ, Սումգայիթյան ոճրագործությունների իրականացման, պատասխանատուների բացահայտման, սատարման և պատժի ժողովրդական ընկալումները: 12.40-12.55- Մելիքյան Ռուբեն, Բեգլարյան Արտակ, Արցախի մարդու իրավունքների պաշտպանի գրասենյակ, Հայ փախստականության խնդիրը ադրբեջանա-ղարաբաղյան հակամարտության մեջ՝ որպես մարդու իրավունքների զանգվածային ու շարունակական ոտնահարում, և դրա հետևանքների ընթացիկ դրսևորումները Արցախում: 12.55-13.10-Հակոբյան Արսեն, ՀՀ ԳԱԱ Հնագիտության և ազգագրության ինստիտուտ, Էթնիկ բռնությունը, համակեցությունը և փոխանակումը ղարաբաղյան կոնֆլիկտի ժամանակ: 13.10-13.25-Խառատյան Հրանուշ, ՀՀ ԳԱԱ Հնագիտության և ազգագրության ինստիտուտ, Բնակչության փոխանակություն, թե՞ փախուստ: Փախստականների ինտեգրացիայի պրոբլեմները ՀՀ-ում: 13.25-13.40- Հարցեր, քննարկում 13.40-14.00-Սուրճի ընդմիջում Երկրորդ նիստ: «Ադրբեջանահայ փախստականների խնդիրները Հայաստանի Հանրապետության ներքին և արտաքին քաղաքականության օրակարգում»: Նիստը վարում է Հրանուշ Խառատյանը: 14.00-14.15 - Պողոսյան Գևորգ, ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ, Ադրբեջանահայ փախստականներ՝ ևս մեկ մոռացված հանրություն: 14.15-14.30- Հակոբյան Ալեքսան, ՀՀ ԳԱԱ Արևելագիտության ինստիտուտ, Ադրբեջանահայ փախստականների բնաւորման մի փորձի մասին. Միջնաւան: 14.30-14.45-Քոչարյան Շավարշ, ՀՀ Արտաքին գործերի նախարարություն, Փախստականության խնդիրը Լեռնային Ղարաբաղի հակամարտության կարգավորման բանակցային գործընթացում: 14.45-15.00- Ղազարյան Արմեն, Հայաստանի Հանրապետության տարածքային կառավարման և զարգացման նախարարության միգրացիոն ծառայություն, Ադրբեջանից բռնագաղթված անձանց խնդիրներն ու լուծման հեռանկարները. երկրորդ հայացք: 15.00-15.15- Ավագյան Մարիամ, Ադրբեջանահայ փախստականների համագումարի համակարգող, Ադրբեջանահայության մշակութային արժեքների թանգարանի նախագիծ: 15.15-15.30- հարցեր, քննարկում 15.30-15-40 – Գիտաժողովի արդյունքների ամփոփում, փակում»: