Լենա Նազարյանը չգիտի՞ թե միտումնավոր ճիշտը չի՞ ասում. Արփինե Հովհաննիսյան

«Խոպանչիներին հարկելու» գաղափարը շարունակում է քաղաքական դաշտում մնալ քննարկվող ակտուալ թեմաներից մեկը, որի շուրջ սոցցանցերում ակտիվ դերակատարները՝ ի դեմս իշխանությունների եւ ընդդիմության՝ ՀՀԿ գործիչները հնչեցնում են միմյանց ուղղված քննադատություններ։ Այսպես՝ ՀՀ ԱԺ փոխնախագահ Արփինե Հովհաննիսյանը հակադարձել է «ԵԼՔ» խմբակցության ղեկավար Լենա Նազարյանին, ով ֆեյսբուքյան իր էջում «հիշեցրել էր» նրա՝ երեք «Դեռևս 2015 թվականին Ազգային Ժողովը «Եկամտային հարկի մասին» օրենքնում ընդունեց լրացում, որով 13 տոկոս եկամտային հարկ սահմանեց այն վարձու աշխատողների համար, որոնք իրենց գործատուների հետ կնքած պայմանագրով աշխատում են ՀՀ սահմաններից դուրս և իրականացնում են շինաշխատանքներ: Այս լրացմանը, ի դեպ, կողմ է քվեարկել նաև տիկին Աիփինե Հովհաննիսյանը, որը հիմա անթույլատրելի է համարում խոցելի խավի հարկումը: տարի առաջ կատարված քվեարկության մասին»,- ասել է Լենա Նազարյանը։ Ի պատասխան Արփինե Հովհաննիսյանը հայտարարել է, որ թերեւս շատ բան կա հիշեցնելու Լ.Նազարյանին։ «Ուրեմն այս տիկինը և իրենց կառավարությունը հերիք չի մարդկանց մեղադրեցին չաշխատելու մեջ, հիմա էլ մեղադրում են լավ չհասկանալու մեջ: Այսինքն արտագնա աշխատանքի մեկնածները չգիտե՞՞ն, որ հարկ են վճարում: Փաստորեն, տիկին Նազարյանը փաստել է, որ ես կողմ եմ քվեարկել ինչ որ նախագծի, որը իր կարծիքով արտագնա աշխատանքի հետ կապ ունի: ( երևի, քանի որ մի քանի լրատվամիջոցների վերնագրերում այդպես է նշված): Ես կողմ եմ քվեարկել այն նախագծին, որը նախատեսում է, որ եթե Կառավարությունը կհաստատի նվազագույնը 40 մլրդ գումարով ԱՐՏԱՀԱՆՄԱՆ ծրագիր, ու դրա արդյունքում որպես պարտադիր պայման ՀՀ-ում կհիմնվի ընկերություն, որի աշխատողները կգրանցվեն Հայաստանի Հանրապետությունում, բայց դե ֆակտո կաշխատեն արտերկրում, գործատուի կողմից կհարկվեն 13%-ով: Տեղեկացնեմ տիկին Նազարյանին, որ այս պահի դրությամբ այս ծրագրերի շրջանակներում գրանցվածները հիմնականում օտարերկրացիներ են, որոնք իրեն եկամուտներից վճարում են կատարում ՀՀ պետական բյուջե: Ի դեպ տիկին Նազարյան ձեր կառավարությունը այս արտոնությունը 2018 թվականի հունիսին կատարված փոփոխության ուժով պահպանելու է մինչև 2022 թվականը: Հուսով եմ `պարզ է: Ի դեպ` ո՛չ վարչապետի ո՛չ էլ ՊԵԿ ղեկավարի մակարդակով չհերքվեց, որ քննարկվում է հայտարարագրումը: Դա արվում է նաև այն «չաշխատող» ( ըստ վարչապետի) ու նպաստ ստացող մարդկանց պատասխանատվության սպառնալիքի ուժով նպաստից զրկելու համար: Մարդիկ կասեն ինչ ունեն , պետությունն էլ հանգիստ կզրկի նպաստից: Դե ինչ` հերթով կասեմ էլ ինչ վտանգներ ունի ընդհանուր հայտարարագրումը»,- նշված է Ա.Հովհաննիսյանի գրառման մեջ: