Ինչու է Սերժ Սարգսյանը լռում
ԱԺ ՀՀԿ խմբակցության ղեկավար Վահրամ Բաղդասարյանը հարցին` ո՞րն է պատճառը, որ Հանրապետական կուսակցության առաջնորդ, ՀՀ երրորդ նախագահ Սերժ Սարգսյանը իշխանափոխությունից հետո որևէ ակտիվություն չի ցուցաբերում, նշեց, որ Սերժ Սարգսյանը զբաղված է իր գործերով ու նաև կուսակցական գործերով: «Ես խնդրում եմ, այդ թեմայի վրա մի՛ ծանրացեք, Սերժ Սարգսյանի տրամադրությունը բարձր է, ինքը զբաղված է իր գործերով ու նաև կուսակցական գործերով: Ինքը պասիվ չէ, բայց այդպիսի ցայտուն ներկայություն, որ լինի, կլինի ամբողջ թիմի կողմից, դուք կնկատեք»,- ասաց նա: ՀՀ վարչապետի պաշտոնակատար Նիկոլ Փաշինյանի կողմից վարչական ռեսուրսի չարաշահման վերաբերյալ իրենց ահազանգին անդրադառնալով, նշեց. «Սա առաջին դեպքը չէ, նման դեպքեր եղել են նաև ՏԻՄ ընտրությունների ժամանակ: Խաղի կանոնները պետք է ընդհանուր լինեն, Սահմանադրությունը պետք է պահենք: Եթե ուզում ենք` այս ընտրությունը մեկ քայլ առաջ լինի, նման բաներով պետք չէ ստվեր գցել, դրա կարիքը չկա, առանց այն էլ էյֆորիան կա, պարզապես դա մինուս է լինելու քարոզարշավի վրա»:
Հետևեք մեզ Viber-ում
