Ոմանք ընկալել էին, թե ես ու Ալիևն առավոտից երեկո չաթ ենք անում. Փաշինյան
Այսօր մամուլի ասուլիսի ժամանակ ՀՀ վարչապետի պաշտոնակատար Նիկոլ Փաշինյանն անդրադարձավ Արցախի հիմնախնդրին, ինչպես նաև հակամարտող կողմերի միջև օպերատիվ կապի հաստատմանը: «Հարաբերական հանգստությունը ոչ թե օպերատիվ կապի, այլ Դուշանբեի պայմանավորվածությունների արդյունք է, և օպերատիվ կապն այդ պայմանավորվածության հարակից բաղադրիչներից մեկն է»,- ասաց Նիկոլ Փաշինյանը: Փաշինյանը նշեց, որ օպերատիվ կապ հաստատելու մասին հայտարարության հետ կապված էլ քննարկումներ են եղել: «Այնպիսի տպավորություն էր, ոմանք ընկալել էին, թե ես ու Ադրբեջանի նախագահն առավոտից երեկո չաթ ենք անում կամ խոսում ենք: Իհարկե, այդպես չէ, ներկայացուցիչների միջոցով տեղեկատվություն է փոխանցվում`ըստ անհրաժեշտության, եթե անհրաժեշտություն չկա, այդ տեղեկատվությունը չի փոխանցվում»,- ասաց նա:
Հետևեք մեզ Viber-ում
