Որն է տնտեսական ոլորտի ամենամեծ հաջողությունը ըստ Փաշինյանի

«Տնտեսական ոլորտում ամենամեծ հաջողությունը մենաշնորհի վերացումն է, որը տնտեսության զարգացման առաջնային խոչընդոտն է:  Երկրորդ տեղում կոռուպցիայի դեմ պայքարն է, հաջորդ հաջողությունը՝ ստվերի դեմ պայքարն է: 37,000 աշխատատեղ ստվերից դուրս է եկել, հրապարակային են դարձել այս աշխատատեղերը: Գուցե 90 տոկոսը նախկինում էին գրանցված, բայց կան նաև նոր աշխատատեղեր: Ակնհայտ է, որ 10 տոկոսից ավելի չեն նոր աշխատատեղերը: Տնտեսական ոլորտում ամենամեծ ձախողումը և պրոբլեմը հանքարդյունաբերության շուրջ մեր կողմից իրականացվող քաղաքականությունն է: Ես համարում եմ, որ այն բխում է ՀՀ ազգային շահերից, բայց ներդրումային միջավայրի համար այն որոշակի նեգատիվ ֆոն է ստեղծում»,- լրագրողների հետ զրույցում ասաց ՀՀ վարչապետի պաշտոնակատար Նիկոլ Փաշինյանը: Վարչապետի պաշտոնակատարն ասաց, որ մի շարք խոշոր տնտեսվարողների հետ կապված ուսումնասիրություն է տարվում, որոնք լարումներ են առաջացնում տարբեր երկրների ներդրումային միջավայրում՝ ՌԴ-ում, Կանադայում և այլն: Ամուլսարի հարցում կկարողանանք փաստերի հիմքում որոշում կայացնել: Խնդիր ունենք պարզելու «Հարավկովկասյան երկաթուղիներ» ընկերության գործունեության, «Հյուսիս-Հարավ» ավտոճանապարհի հետ կապված հարցեր,-ասաց նա: «Չենք պատրաստվում ժողովրդին վարկերի տակ գցելու շնորհիվ տնտեսությունը զարգացնել: Չի կարող այնպես լինել, որ առաջնային 350,000 հարկ վճարողների գումարով մենք լուծենք բոլոր հարցերը: Մեր ժողովրդին թույլ չեն տվել աշխատել, նախորդ քաղաքական համակարգը խրախուսել է աղքատությունը, տառեր չիմացողների քաղաքական թիմը մեր նախարարներին մեղադրում է, որ տառասխալներով է գրում: