Ինչ ասել եմ, շարունակում է մնալ ուժի մեջ.Նիկոլ Փաշինյան
«Սանկտ Պետերբուրգում դեկտեմբերի 6-ին ՀԱՊԿ գագաթաժողովի ժամանակ եթե կոնեսենսուս չլինի կազմակերպության գլխավոր քարտուղարի պաշտոնի հարցում, կշարունակենք աշխատանքը կոնսենսուսի ձեռքբերման ուղղությամբ, որովհետև այդ կառույցում որոշում կայացվում է կոնսենսուսով: Բելառուսի ԱԳՆ խոսնակի պատասխանին հայկական կողմից արձագանք եղել է, բայց Բելառուսի իր պաշտոնակցից որևէ արձագանք չի ստացել: Ինչ ասել եմ, շարունակում է մնալ ուժի մեջ»,- ասուլիսի ժամանակ հայտարարեց ՀՀ վարչապետի պաշտոնակատար Նիկոլ Փաշինյանը: «Պարզաբանումներ կպահանջեմ տեղի ուենցածի և մի շարք գործընթացների վերաբերյալ:Համենայն դեպս, մենք չենք պատրաստվում լռության մատնել ՀՀ շահերին առնչվող որևէ հարց, և պատրաստվում ենք սկզբունքորեն հետևողականորեն գործընկերային պաշտպանել ՀՀ շահերը»,-ասաց նա: Անդրադառնալով Բելառուսի և Ադրբեջանի միջև կնքված հերթական զնեքի մատակարարումների պայմանագրին՝ Ն.Փաշինյանը նշեց, որ դատապարտում է այդ գործարքները, համարում է դրանք ընդդեմ ՀՀ շահերի. «Եվ կարծում ենք, որ նման գործարքները խաթարում են ՀԱՊԿ գործընկերությունը: Մենք փոխադարձաբար պետք է պարզաբանումներ ունենանք, երկրներից յուրաքանչյուրի համար պետք է պարզ լինի, թե ինքն ինչ պարտավորություն ունի դաշնակցի հանդեպ»:
Հետևեք մեզ Viber-ում
