Մեկնաբանությունները պոռնոֆիլմերից չեն տարբերվում. Սամվել Նիկոյան (video)

ՀՀԿ ԳՄ անդամ Սամվել Նիկոյանը լրագրողների հետ զրույցում լրագրողի հարցին, թե ինչո՞ւ իր անունը չկա ՀՀԿ ընտրացուցակում, Սամվել Նիկոյանը նշեց, որ դեռևս երկու ամիս առաջ է հայտարարել, որ, եթե լինեն մարդիկ, որոնց խորհրդանարում աշխատելու գործիքակազմն ավելի արդյունավետ կլինի, քան իրենը, ապա սիրով իր տեղը կզիջի նրանց։ «Այսօր ամբողջովին այլ գործիքակազմով են աշխատում, որն ինձ համար անընկալելի է, քանի որ եկել է մի սերունդ, և յուրաքանչյուր հեղափոխական սերունդ այդպիսին է, որը կարծում է, թե մոլորակը ծնվել է այն օրը, երբ իրենք ծնվել են։ Հեղափոխությունից հետո իշխանության եկած յուրաքանչյուր անձ մտածում է, որ մոլորակը պտտվում է իրենց անձերի շուրջ, և ոչնչացնում են այն ամենը, ինչ եղել է իրենցից առաջ։ Նրանցից առաջ եղել է Արցախի հաղթանակ, նրանք դա ոչնչացնում են։ Այսօր փառաբանվում են  կրոնական և սեռական փոքրամասնությունները։ Ես չեմ կարող լինել մի տեղ, որտեղ կա՛մ դրա կրողն են, կա՛մ պաշտպանը։ Այս պարագայում պետք է լինեն մարդիկ, որոնք ադեկվատ և համապատասխան վարքագիծ կարող են դրսևորել»,- պարզաբանեց նա։ Անդրադառնալով Ամենայն հայոց կաթողիկոսին հատուկ պահպանության տակ առնելու եւ նրա անվտանգությունն ապահովելու վերաբերյալ նախագծի չընդունմանը` պարոն Նիկոյանը ընդգծեց. «Այսօր փառաբանվում են կրոնական եւ սեռական փոքրամասնությունները: Սոցցանցերում համատարած հայհոյանք է. մեկնաբանությունները պոռնոֆիլմերից չեն տարբերվում: Այս միջավայրում պետք է լինեն մարդիկ, որոնք ադեկվատ վարքագիծ պետք է դրսեւորեն»: Ըստ նրա` ամիսներ առաջ Վեհափառ հայրապետի դեմ բողոքի գործողությունները երկրում վերջին իրադարձությունների հետեւանքներ էինև  Վեհափառ Հայրապետի դեմ բողոքողները պատահական մարդիկ չեն. «Նրանք տարիներ շարունակ սնվել են գրանտներով: Կան քաղաքական ուժեր, որոնք դեմ են կաթողիկոսին պաշտպանություն տրամադրելուն այն ժամանակ, երբ դրա իրական անհրաժեշտությունը կա: Հայ առաքելական եկեղեցուն այսօր պետք է պաշտպանել սեռական եւ կրոնական փոքրամասնություններից: Եթե այսօր նրա վրա կան հարձակումներ նման փոքրամասնությունների կողմից, ապա քաղաքական ուժը պետք է պաշտպանի նրան: Եթե տեսնում ենք սեռական փոքրամասնությունների խրախճանք, ապա մեր դիրքորոշումը հստակ պետք է լինի»: