Եթե Նիկոլ Փաշինյանը սպիտակն է, ուրեմն ես էլ սևն եմ. Էդուարդ Շարմազանով (video)
«Դեմ եմ ընտրությունները բոյկոտելու մոտեցումներին։ Այսօր Նիկոլ Փաշինյանի միակ գաղափարական ընդդիմությունը մենք ենք, բայց մենք մեկ անգամ չէ, որ նշել ենք, որ մեր հայրենիքը ծառացած է բազմաթիվ արտաքին և անվտանգային մարտահրավերների առջև։ Գիտակցելով այդ մարտահրավերները՝ Հանրապետական կուսակցությունը չի կարող գնալ բոյկոտի և կրավորական կեցվածք ընդունել։ Դա ազնիվ չի լինի։ Մենք չեն կարող կրավորական կեցվածք ընդունել ու ասել. դե ինչ ուզում ա թող լինի, թող Փաշինյանը գնա տապալվի: Դա ոչ պետական մոտեցում է», – լրագրողների հետ զրույցում ասաց ՀՀ ԱԺ փոխնախագահ Էդուարդ Շարմազանովը : « ՀՀԿ-ն շատ լավ գիտակցում է այդ մարտահրավերները և դրա համար գնում է ընտրության, որպեսզի հետ պահի հայրենիքը ճակատագրական սխալներից։Ձեռքեր լվանալ, մարտահրավերներից փախնել և ուրախանալ Փաշինյանի հնարավոր ձախողումներով՝ դա մերը չէ», – ասաց նա։ Ինչու Սերժ Սարգսյանը չի մասնակցում ընտրություններին՝ հաշվի առնելով, որ նախկինում իր թիմը հայտարարում էր, որ նա անփոխարինելի է,հարց ուղղեցին լրագրողները , Շարմազանովն ասաց, որ կայանալիք ընտրություններին ՀՀԿ-ն իշխանությունը վերանվաճելու համար չի գնում, այլ գնում է ընդդիմադիր բևեռ ձևավորելու, որովհետև բոլորին էլ պարզ է, թե որ ուժն է հաղթելու։
Հետևեք մեզ Viber-ում
