«Վախենում եմ, որ այս «ցանկերի» համար բարձր գին ենք վճարելու». Հրանուշ Խառատյան
Ազգագրագետ Հրանուշ Խառատյանը ֆեյսբուքյան իր էջում գրել է. «Անձամբ ես, որպես ՀՀ քաղաքացի, հեղափոխական արժեքներն ավելի պաշտպանված կհամարեի, եթե այս ցանկը չլիներ: Ինչքան էլ Նիկոլ Փաշինյանը կոչ անի խրախուսել դեկտեմբերյան ընտրությունների գաղափարին միացողներին, վախենում եմ, որ այս «ցանկերի» համար բարձր գին ենք վճարելու: Դեռ դեկտեմբերը չեկած, քաղաքական կոչվող առևտրում հմտացած այս մարդիկ սկսելու են խմբերով և անհատապես վաճառել «ցուցարարների համար ուղարկված ջրեղենը», իրենց հայտարարությունները, իսկ դեկտեմբերին կարող են չլսված դեմարշ անել և ողջ երկիրը կանգնեցնել ծանրագույն ճգնաժամի առաջ: Նրանց խմբային և անհատական քարից ստամոքսները կմարսեն իրենց եփած շիլան, բայց բազմակողմ կոմպրոմիսների արդյունքում կարո՞ղ ենք չկորցնել հեղափոխության արժեքները»:
Հետևեք մեզ Viber-ում
