«Լավն է, վատն է դա է». Իոաննիսյան

Կառավարությունում Ընտրական բարեփոխումների հանձնաժողովը քննարկում է կազմակերպել «Ընտրական օրենսգրքի» նախագծի հետ կապված: «Ազատ դեմոկրատներ» կուսակցության փոխնախագահ Անժելա Խաչատրյանն ասաց, որ նախընտրական հիմնադրամի ծախսերի հետ կապված ամրագրվել է, որ կամավոր կուսակցության համար աշխատողների աշխատանքը որպես ծախս չի ներառվում, այդ դեպքում՝ ինչպե՞ս պետք է ապացուցեն՝ շտաբում աշխատողը կամավո՞ր հիմունքներով է աշխատել: Իոաննիսյանը պատասխանեց, որ եթե անձը վճարվում է, նախընտրական հիմնադրամից պետք է վճարվեն, այսպիսին է օրենքի պահանջը: Դիտարկմանը՝ նոր նախագծով նաեւ առցանց ԶԼՄ-ներն են վճարովի եթերաժամանակ կամ հարթակ տրամադրելու համար մոնիտորինգի տակ մտնելու, Դանիել Իոաննիսյանը պատասխանեց, որ քանի որ առցանց ԶԼՄ-ների քանակն ավելացավ եւ իրենց լեգիտիմությունը բարձրացավ, շատ առցանց հեռարձակողներ ավելի շատ դիտողներ ունեն, քան վերգետնյա հեռարձակողներ: Խոսելով ազգային փոքրամասնություններից, տեղեկացրեց, որ ամեն քաղաքական ուժ իր ստացած 19 մանդատների դիմաց ստանում է  1 ազգային փոքրամասնության ներկայացուցչի տեղ: 38 մանդատ կստանա, 2 տեղ կունենա ազգային փոքրամասնության համար: Սակայն այս տարբերակը դժգոհությունների տեղի տվեց, ոմանք նշեցին, թե քվոտավորումը ո՞րն է, հանեք, ազգային փոքրամասնության մանդատները հանեք: Դրան ի պատասխան Իոաննիսյանն արձագանքեց. «Սահմանադրություն ունենք, լավն է, վատն է դա է»: