Ես վերադառնում եմ.Յուրա Մովսիսյան
Հայաստանի ազգային հավաքականի հարձակվող Յուրա Մովսիսյանը հայտարարել է հավաքական վերադառնալու իր որոշման մասին։ «Ես վերադառնում եմ։ Հայաստանի ազգային հավաքականի կազմում 3 տարի հանդես չգալուց հետո որոշեցի վերադառնալ և կրկին խաղալ։ Երբեք չէի մտածում, որ կվերադառնամ՝ տեղի ունեցած իրադարձությունների պատճառով, բայց մենք ունենք նոր, ազատ Հայաստան և ինձ ոչինչ ավելի երջանիկ չի դարձնում, քան Հայաստանի ազգային հավաքականում հանդես գալը։ Անհամբերությամբ սպասում եմ Հայաստան ժամանելուս և մեր նոր ճամփորդությունը սկսելուս։ Հույս ունեմ տեսնել լեփ-լեցուն մարզադաշտ՝ հոկտեմբերի 13-ի և 16-ի խաղերին։ Հաղթանակները վերադարձնելու միակ տարբերակը մեր երկրպագուների աջակցությունն է»,- նշել է նա։
Հետևեք մեզ Viber-ում
