Լեհաստանը որոշում չի ընդունել Ուկրաինային Patriot հրթիռներ փոխանցելու վերաբերյալ. ՊՆ փոխնախարար
Լեհաստանի իշխանությունները որոշում չեն ընդունել Ուկրաինային ամերիկյան Patriot հակաօդային պաշտպանության հրթիռների հնարավոր փոխանցման վերաբերյալ։ Այս մասին հայտնել է Լեհաստանի պաշտպանության փոխնախարար Ցեզարի Տոմչիկը։
«Ներկայումս նման որոշում չկա», – ասել է նա Radio Zet ռադիոկայանին տված հարցազրույցում՝ նշելով, որ նույնիսկ եթե Ուկրաինային այդ հրթիռների փոխանցման մասին փաստաթուղթը ստորագրված լիներ, ապա «այն գաղտնի բնույթ կկրեր»։
Տոմչիկը նկարագրել է այս տեսակի որոշումների կայացման գործող ընթացակարգը։ Նրա խոսքով՝ «նախ գլխավոր շտաբն է որոշում կայացնում նման փոխանցման հնարավորության մասին», այնուհետև իրենց հանձնարարականներն են տալիս պաշտպանության նախարարը, իսկ «հետո հարցը գնում է Նախարարների խորհուրդ, և որոշումը կայացվում է Նախարարների խորհրդի մակարդակով»։
Պաշտպանության նախարարության փոխղեկավարը հաստատել է, որ Լեհաստանն ստորաբաժանումներից ավելի վաղ Ուկրաինային էր փոխանցել «մի քանի Patriot հրթիռ»։
Երկուշաբթի օրը Լեհաստանի պաշտպանության նախկին նախարար Մարիուշ Բլաշչակը հերքել էր Ուկրաինային այդ հրթիռների փոխանցման հնարավորությունը, քանի որ «դրանք անհրաժեշտ են հենց Լեհաստանին»։
Հետևեք մեզ Viber-ում
