Ի՞նչ է պատրաստել Փաշինյանը Արմեն Գրիգորյանի համար
Դեռ շաբաթներ առաջ Նիկոլ Փաշինյանը հրապարակային հայտարարում էր, որ Ազգային ժողովի նախկին նախագահը կարող է մնալ թիմում՝ առանց պետական պաշտոնի։ Սակայն Ալեն Սիմոնյանը վերջին շրջանում գործադրել է իր ողջ քաղաքական, անձնական, մարդկային ջանքերը՝ Նիկոլ Փաշինյանին համոզելու, որ իրեն ամբողջությամբ դուրս չթողնի պետական կառավարման համակարգից և որևէ պաշտոնի նշանակի։
Երեկ Սիմոնյանի բոլոր ջանքերը արդյունք տվեցին, և վերջինս նշանակվեց Անվտանգության խորհրդի քարտուղար։ Այս պաշտոնում Ալեն Սիմոնյանը փոխարինեց Արմեն Գրիգորյանին, որն ԱԽ քարտուղարի պաշտոնը զբաղեցնում էր արդեն 8 տարի։
Լուրեր էին շրջանառվում, որ Անվտանգության խորհրդի նախկին քարտուղար Արմեն Գրիգորյանին Փաշինյանը մտադիր է տեղափոխել վարչապետի աշխատակազմ՝ նշանակելով իր գլխավոր խորհրդական։
Մեր ունեցած տեղեկությոններով, սակայն, Ա․ Գրիգորյանը կգործուղվի Լոնդոն՝ նշանակվելով Մեծ Բրիտանիայի դեսպանի պաշտոնում։
Հիշեցնենք, որ Սիմոնյանը ութերորդ գումարման խորհրդարանի նախագահն էր, հունիսի 7-ի ԱԺ ընտրություններից հետո ՔՊ ցուցակով ընտրվել էր ԱԺ պատգամավոր, սակայն չվերցրեց մանդատը, քանի որ նրա թեկնածությունը ԱԺ նախագահի պաշտոնում չէր հաստատվել ներկուսակցական քվեարկությամբ։
Նման կերպ վարվեց Փաշինյանը նաև Արայիկ Հարությունյանի հետ՝ նրան ազատվելով Հայաստանի վարչապետի աշխատակազմի ղեկավարի պաշտոնից և ուղարկելով խորհրդարան։
Հետևեք մեզ Viber-ում
