Ադրբեջանական պետական «AZ TV» հեռուստաընկերությունը ռեպորտաժ է հրապարակել, որտեղ Սյունիքը համարել են «Արևմտյան Ադրբեջանի» մաս. Տաթև Հայրապետյան (տեսանյութ)
Ադրբեջանի պետական հեռուստաընկերությունը ինչո՞ւ որոշեց փչացնել օգոստոսի 8-ի մեկ տարին, այս մասին գրել է ադրբեջանագետ Տաթև Հայրապետյանը։
«Մտածեցի՝ այսօր՝ ըստ հայտարարությունների, «պատմական խաղաղության» մի տարին է, հաստատ Ադրբեջանը՝ պետական «AZ TV» հեռուստաընկերությունը, մեր մասին խաղաղասիրական հաղորդումների շարք է պատրաստել։ Պարզվեց՝ ինչ, որոշել են էս «ազիզ» օրով էլ փչացնեն խաղաղության թատրոնը ու ռեպորտաժ հրապարակեն, որտեղ Սյունիքը համարեն «Արևմտյան Ադրբեջանի» մաս, քիչ է, դեռ մի բան էլ ռեպորտաժ սարքեն հետևյալ վերնագրով՝ «35 տարվա կարոտ. գյուղ, որը 3 տարի դիմադրեց թշնամուն․․․»։
Այս մեկ րոպեանոց նյութում արտահայտված է Ադրբեջանի վարած քաղաքականության իրական բնույթը՝ հային համարել թշնամի, աչք ունենալ Հայաստանի Հանրապետության վրա, կարճ, կոնկրետ, մնացածը, ցավոք, լիրիկա է, իսկ ինքնախաբեության գինը մեզ վրա թանկ է նստում։ Խաղաղությունը տգիտություն չի։ Տգիտությունն էլ ուժ չի»,-նշել է նա։
Հետևեք մեզ Viber-ում
