Փաշինյանը հիմա էլ իր կողմից Արցախի հանձնումը գցում է ԵԱՀԿ միջնորդների գրպանը․ Էդուարդ Շարմազանով
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է․
«Նիկոլը հիմա էլ ԵԱՀԿ ՄԽ համանախագահների վրա գցեց իր մեղքը։
Լրիվ կրկես է…
Նախկիններից,արցախահայերից,ռուսներից հետո Փաշինյանը հիմա էլ իր կողմից Արցախի հանձնումը գցում է ԵԱՀԿ միջնորդների գրպանը։
Մարդն ասում է՝ Ղարաբաղի հարցի կարգավորման ընթացքում միջնորդները սեղանին դրել են այնպիսի իրավիճակներ, որ բացառվի լուծումը։
Ու սա ասում է նա ,ում հրապարակած փաստաթղթերից պարզ երեւում է,որ Արցախի հանձնման ու հայաթափման գլխավոր մեղավորն ինքն է՝ Նիկոլ Փաշինյանը։
2019-ի հունիսին համանախագահները Նիկոլին առաջարկել են լուծման տարբերակ,որը Արցախին ընձեռում էր միջանկյալ կարգավիճակ ու հանրաքվեով վերջնական կարգավիճակի հստակեցում։
Ի՞նչ է անում Փաշինյանը…փաստացի մերժում է այդ առաջարկներն ու ասում՝ Արցախը Հայաստան է եւ վերջ։
Դա հանգեցնում է հազարավոր զոհերի,պարտության ու Արցախի հայաթափման։
Հետեւաբար ,միջնորրները մեղավոր չեն,հանցավոր մեղավորություն է դրսեւորել Փաշինյանը,ում պատճառով էլ Արցախը հայաթափվեց։
Իսկ այդ խարանը չի ջնջվելու երբեք»,- գրել է նա։
Հետևեք մեզ Viber-ում
