Լիբանանի նախագահը հայտարարել է, որ կանի անհնարինն Իսրայելի հետ պատերազմը դադարեցնելու համար
Լիբանանի նախագահ Ժոզեֆ Աունը հայտարարել է, որ հնարավոր ամեն ինչ կձեռնարկի Իսրայելի հետ պատերազմը դադարեցնելու համար։ «Արմենպրես»-ի փոխանցմամբ՝ այս մասին հայտնում է Լիբանանի նախագահական գրասենյակը։
«Իմ պարտականությունն է՝ հաշվի առնելով իմ դիրքն ու պատասխանատվությունը, անել անհնարինը՝ վճարելով ամենացածր գինը, որպեսզի դադարեցվի Լիբանանի և նրա ժողովրդի դեմ պատերազմը»,- նշել է նա պատգամավոր Միշել Դահերի և գյուղատնտեսական միությունների պատվիրակության հետ հանդիպման ժամանակ։
Նախագահի խոսքով՝ Լիբանանի կողմից բանակցությունների համար սահմանված շրջանակը ներառում է իսրայելական ուժերի դուրսբերում, հրադադար, բանակի տեղակայում սահմանի երկայնքով, տեղահանված անձանց վերադարձ և Լիբանանին տնտեսական կամ ֆինանսական օգնություն:
«Մենք տեսել ենք պատերազմներ և տեսել, թե որտեղ են դրանք տարել Լիբանանը»,- ընդգծել է նա։
Նա նաև հաստատել է իր շարունակական ջանքերը լիբանանյան արտադրանքի համար Սաուդյան Արաբիայի հետ շուկաներ բացելու և լիբանանցի ֆերմերներին հարմարություններ ապահովելու համար, որպեսզի նրանք կարողանան գոյատևել երկրի առջև ծառացած դժվարին պայմաններում:
Հետևեք մեզ Viber-ում
