Փաշինյանի քաղաքականությունը քանդում է գյուղացիների բարեկեցությունը․ Ռոբերտ Քոչարյան

Նրանք հաշվարկել չգիտեն, գիտելիքներ չունեն: Հայաստանի և Թուրքիայի տնտեսությունները մրցակցային տնտեսություններ են, ոչ թե փոխլրացնող:

Այս մասին այսօր՝ ապրիլի 8-ին, «Մեծ քաղաքականություն» խորագրով փոդքասթի չորրորդ թողարկման ընթացքում հայտարարեց ՀՀ երկրորդ նախագահ Ռոբերտ Քոչարյանը։

«Չկա գյուղարտադրանք, որը դու կարող ես արտահանել Թուրքիա կամ Ադրբեջան։
Ի դեպ ինչո՞ւ եմ նաև գյուղից խոսում, որովհետև գյուղերում Նիկոլ Փաշինյանը ունի ամենից բարձր վարկանիշ, բայց հենց իր քաղաքականությունը քանդում է այդ մարդկանց բարեկեցությունը։

Դու չես կարող Թուրքիա արտահանել ոչինչ։ Քո գյուղարտադրանքի որևէ տեսակ չես կարող, և Ադրբեջան չես կարող։

Ճիշտ հակառակն է լինելու։ Թուրքիայում սուբսիդավորման մակարդակի պատճառով այնտեղ շատ ավելի պաշտպանված է իրենց շուկան։ Ադրբեջանում էլ էլեկտրոէներգիան ավելի էժան է, նրանք ունեն նավթ, գազ և դրա հաշվին իրենց արտադրանքը մրցունակ է, միգուցե մի քիչ էլ ավել։

Ռուսաստանում շուկաներում մենք մրցակից ենք։ Գյուղատնտեսական արտադրանքի մրցակից ենք ռուսական շուկաներում։ Մենք մրցակից ենք, մենք չենք կարող իրար շուկաներից օգտվենք»,- նշեց նա։

yerevan.today