Մենք Ռուսաստանի կողմից Կիևում Ադրբեջանի դեսպանատան վրա հարձшկումը համարում ենք ոչ բարեկամական գործողություն․ Ալիև
Մենք Ռուսաստանի կողմից Կիևում Ադրբեջանի դեսպանատան վրա հարձակումը համարում ենք ոչ բարեկամական գործողություն, հայտարարել է Իլհամ Ալիևը։
«Հարձակումներ են եղել ոչ միայն Ադրբեջանի էներգետիկ ենթակառուցվածքների վրա Ուկրաինայում, այլև երեք հարված է հասցվել Ուկրաինայում Ադրբեջանի դեսպանատանը: Առաջին հարվածից հետո կարելի էր ենթադրել, որ դա պատահական էր:
Մենք մեր ռուս գործընկերներին տրամադրել ենք Ադրբեջանի դիվանագիտական ներկայացուցչությունների բոլոր կոորդինատները, այդ թվում՝ հյուպատոսական բաժինը, մշակութային կենտրոնները և դեսպանատունը: Չնայած դրան, տեղի է ունեցել ևս երկու հարված:
Այսպիսով, սա միտումնավոր հարձակում էր Ադրբեջանի դիվանագիտական ներկայացուցչության վրա: Մենք հատուկ հայտարարություններ ենք արել, հրավիրել ենք դեսպանին և դիվանագիտական նոտա ենք ուղարկել:
Մենք գործում ենք բացառապես դիվանագիտական միջոցներով։ Այլ բան անել չենք կարող։ Բայց, իհարկե, սա դիտվում է որպես Ադրբեջանի դեմ ուղղված անբարյացակամ քայլ։
Ես հասկանում եմ ձեր հարցը և ուզում եմ տեղեկացնել, որ Ադրբեջանի կառավարությունը ձեռնարկել է բոլոր անհրաժեշտ դիվանագիտական քայլերը»,-ասել է նա։
Հետևեք մեզ Viber-ում
