Տեր Գարեգինին թույլ չեն տալիս գնալ եկեղեցի․ տեր Վրթանեսը` թեմի խնդիրների մասին. Sputnik Արմենիա

Մուղնու եկեղեցու հոգևոր հովիվ տեր Գարեգին քահանա Արսենյանին թույլ չեն տալիս գնալ եկեղեցի և հանդիպել թեմի քահանաներին։ Այս մասին Sputnik Արմենիայի հետ զրույցում ասաց Բյուրականի Սուրբ Հովհաննես եկեղեցու հոգևոր հովիվ տեր Վրթանես քահանա Բաղալյանը։

«Մենք ուրախ ենք, որ տեր Գարեգինի խափանման միջոց տնային կալանքը վերացվել է, բայց դա էլ հարաբերական է, որովհետև ցավալիորեն սահմանափակումներ կան։ Տեր Գարեգինի դեպքում զարմանալի սահմանափակում կա՝ չի կարող այցելել եկեղեցի և հանդիպել թեմի քահանաներին, բայց կարող է օպերա գնալ, համերգների, հանդիպել տարբեր մարդկանց և այլն։ Ամենավտանգավոր մարդիկ թեմի հոգևոր դասն է»,- ասաց քահանան։

«Մենք ուրախ ենք, որ տեր Գարեգինի խափանման միջոց տնային կալանքը վերացվել է, բայց դա էլ հարաբերական է, որովհետև ցավալիորեն սահմանափակումներ կան։ Տեր Գարեգինի դեպքում զարմանալի սահմանափակում կա՝ չի կարող այցելել եկեղեցի և հանդիպել թեմի քահանաներին, բայց կարող է օպերա գնալ, համերգների, հանդիպել տարբեր մարդկանց և այլն։ Ամենավտանգավոր մարդիկ թեմի հոգևոր դասն է»,- ասաց քահանան։”

Նա նաև ընդգծեց, որ առաջնորդ սրբազանի համար տնային կալանքն էլ հարմար կարգավիճակ չէ, մասնավորապես այն դեպքում, երբ թեմում բազմաթիվ խնդիրներ կան։ Շեշտեց՝ սպասում են, որպեսզի նա իրական ազատություն ունենա ու կարողանա տնօրինել թեմի հոգևոր հարցերը։

Հոգևորականի պնդմամբ՝ լինի բանտում, թե տանը՝ երկուսն էլ կալանք է ու սահմանափակում է ազատությունը։

«Թեմի հոգևոր կյանքի կենսագործության կարիք կա, ու կալանքից ազատ արձակելն այս պարագայում որևէ կերպ չի մխիթարում։ Մեզ համար ուրախալի կլինի, երբ մեր սրբազան հայրը լիարժեք ազատ լինի, կարողանա ծխական հարցերով զբաղվել, քանի որ այս երկար բաժանումից հետո իր կարիքը մեր հոգևոր կյանքում ավելի է մեծացել»,- ասաց տեր Վրթանեսը։

«Թեմի հոգևոր կյանքի կենսագործության կարիք կա, ու կալանքից ազատ արձակելն այս պարագայում որևէ կերպ չի մխիթարում։ Մեզ համար ուրախալի կլինի, երբ մեր սրբազան հայրը լիարժեք ազատ լինի, կարողանա ծխական հարցերով զբաղվել, քանի որ այս երկար բաժանումից հետո իր կարիքը մեր հոգևոր կյանքում ավելի է մեծացել»,- ասաց տեր Վրթանեսը։”

Հիշեցնենք` Մկրտիչ եպիսկոպոս Պռոշյանը կալանավորված էր 2025–ի հոկտեմբերի 16-ից։ Նրա նկատմամբ հանրային քրեական հետապնդում է հարուցվել ՔՕ 2 հոդվածներով՝ պաշտոնեական դիրքն օգտագործելով ընտրական իրավունքի իրականացումը խոչընդոտելը, իշխանական կամ ծառայողական լիազորություններն օգտագործելով հավաքներին մասնակցելուն հարկադրելը։

Փետրվարի 12–ին դատարանը որոշեց Մկրտիչ սրբազանի կալանքը փոխել տնային կալանքով։