Բժիշկները տարակուսած են այսօր ստացած ապահովագրական առաջին աշխատավարձից, որը մոտ երեք անգամ ցածր է նախկինից. Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանը գրում է. «Գյուղացի Համբոյի տունը կռիվ է ընկել

Այսօր մի շարք բժշկական կենտրոններում վճարվել է«ապահովագրական առաջին աշխատավարձը»։

Արդյունքը՝ կանխատեսելի։ Գլխավոր մասնագետները, որոնք ամիսներ շարունակ գովերգում էին այս «աննախադեպ ռեֆորմը», հայտարարում են, որ այս պայմաններով աշխատել չեն կարող։

Բժիշկները տարակուսած են՝ մոտ երեք անգամ ցածր աշխատավարձից։

Բուժքույրերն ու մայրապետերը սպասում են նախարարի խոստացած, բայց օդում մնացած բոնուսներին։

Տիկի՛ն Ավանեսյան, ես ձեզանով իսկապես հպարտանում եմ։

Այսպիսի «դաստիարակչական պատիժ» բուժհաստատությունների տնօրեններին ու սեփականատերերին՝ ոչ մի նախարար չէր կարող այսքան «նուրբ» ու միաժամանակ ցավոտ իրականացնել։

Ռեֆորմը հաջողված է։

Պարզապես՝ ոչ բուժաշխատողների, ոչ հիվանդների, ոչ համակարգի համար»։