Պատասխան հարված է հասցվել ԱԹՍ արտադրող ուկրաինական գործարանին․ ՌԴ ՊՆ

Ռուսաստանի բանակն անցած գիշեր պատասխան զանգվածային հարված է հասցրել Ուկրաինայի զինված ուժերի հետ կապված վառելիքաէներգետիկ համալիրի օբյեկտներին, ինչպես նաև ուկրաինական գործարանին, որն արտադրում է հեռահար անօդաչու թռչող սարքեր: Այս մասին հայտնել է Ռուսաստանի պաշտպանական գերատեսչությունը։

«Գիշերը, ի պատասխան Ուկրաինայի կողմից Ռուսաստանում քաղաքացիական օբյեկտների վրա ահաբեկչական հարձակումների, Ռուսաստանի զինված ուժերը մեծածավալ հարված են հասցրել հեռահար, ցամաքային և օդային բարձր ճշգրտության զենքերի ու հարձակողական անօդաչու թռչող սարքերի միջոցով հեռահար անօդաչու թռչող սարքեր արտադրող գործարանին, ինչպես նաև Ուկրաինայի ռազմարդյունաբերական համալիրի կողմից օգտագործվող էներգետիկ օբյեկտներին։ Հարվածի նպատակներն իրագործված են։ Բոլոր նշանակված թիրախները խոցվել են», - ասվում է ռազմական գերատեսչության հայտարարության մեջ։