Այս վախկոտ արարածներից յուրաքանչյուրը գիտեր. Տիեզերքի պատասխանը պետք է լինի ճշգրիտ և անխնա ազնիվ. Տաթևիկ Կարապետյան
«Տաշիր գրուպ» ընկերությունների խմբի նախագահ, բարերար Սամվել Կարապետյանի դուստրը՝ Տաթևիկ Կարապետյանը Ֆեյսբուքի իր էջում հետևյալ հրապարակումն է արել. «Ես ցանկանում եմ, որ բոլոր նրանք, ովքեր առնչություն ունեն այս ստախոս, անհիմն և գիտակցաբար կառուցված գործին, ապրեն յուրաքանչյուր ցավը, յուրաքանչյուր հետևանքն այն ամենի, ինչն այսօր այդքան թեթևությամբ պատճառում են ուրիշներին։ Ոչ վերացական։ Ոչ՝ երբևէ հետո։ Թող նրանց յուրաքանչյուր քայլը, յուրաքանչյուր ստորագրված խոսքը, ճշմարտության յուրաքանչյուր դիտավորյալ խեղաթյուրում վերադառնա որպես իրականություն նրանց իսկ տներում։
Թող ոչ նրանք, ոչ էլ նրանց մտերիմները չունենան հնարավորություն ասելու՝ «Մենք չգիտեինք». Նրանք գիտեին։ Այս վախկոտ արարածներից յուրաքանչյուրը գիտեր։ Տիեզերքի պատասխանը պետք է լինի ճշգրիտ և անխնա ազնիվ։
Ես հայելիներ եմ խնդրում. Թող կյանքը անողոքորեն արտացոլի այն ամենը, ինչ արվել է՝ սառնասրտորեն, հաշվենկատորեն և առանց խղճի։ Ամեն»
Հետևեք մեզ Viber-ում
