Ես Նիկոլ Փաշինյանին չեմ միացել, ես միացել եմ իմ թեմի առաջնորդին, Տիրոջը ոչ ոք չի դավաճանել.Տեր Շահան
Ես Նիկոլ Փաշինյանին չեմ միացել, ես միացել եմ իմ սրբազանին, իմ թեմի առաջնորդին: Այս մասին 24News-ի հետ զրույցում ասաց Կոտայքի թեմի քահանա, տեր Շահան Միրզոյանը:
«Ես նշանակված եմ իմ առաջնորդ հոր հոգևոր լիազորությունների ներքո և ես միացել եմ իրեն»,- ասաց քահանան:
Հարցին, թե անձամբ նա ի՞նչ խնդիր է տեսնում Եկեղեցու ներսում, որ ցանկություն է հայտնել բարենորոգել, Նոր Գեղիի Ս. Հովհաննես եկեղեցու հոգևոր հովիվն ասաց.
«Դե դուք, եթե Եկեղեցին ներսից ճանաչեք, ինձ էդ հարցումները չեք անի»:
Տեր Շահան քահանա Միրզոյանը բացառեց, որ թեմի առաջնորդի կողմից որևէ պարտադրանք է եղել, որպեսզի հայտարարություն տարածի:
Անդրադառնալով այն հարցին, որ իր թեմի առաջնորդին տիրադավ անվանում են տվել, քահանան ասաց.
«Տիրադավը նա է, ով տիրոջը դավաճանում է, պատվիրանները չի կատարում, եթե դուք Եկեղեցին ներսից ճանաչեիք, դուք այդ բառը սրբազանիս չէիք ասի»:
Քահանան նաև ավելացրեց, որ 10 եպիսկոպոսների պարագայում տիրադավ անվանումը տեղին չէ.
«Ուրիշ բառ գոնե մոգոնեին, էլի հա, Տիրոջը ոչ ոք չի դավաճանել»:
Հետևեք մեզ Viber-ում
