Ուշագրավ մանրամասներ Բրուտոսի անցյալից․ ինչու են ուսանողները հայհոյել և ապստամբել նրա դեմ

2007-2010 թվականներին «10 դավաճան» եպիսկոպոսներից Գևորգ Սրբազանը՝ Բրուտոսը, աշխատել է Վազգենյան հոգևոր դպրոցում՝ որպես տեսուչ։ Այդ տարիների նրա աշխատանքն է պատճառը, որ այսօրվա գրեթե բոլոր քահանաները ատում են նրան։

Նա ամենավատ տեսուչն է եղել․ անհարկի պատժել է բոլոր ուսանողներին, զրկել է տուն գնալու և հանգստանալու իրավունքից, իսկ երբ հավաքական ուսանողները փորձել են տեր կանգնել իրենց իրավունքներին, նրա պատասխանը միշտ նույնն է եղել․ «հեսա կամայական երկուսիդ հանել կտամ դպրոցից», այսինքն՝ սպառնացել է, թե ուսանողներից 2-ին պատահականության սկզբունքով կհանի։

Նման դեպքերից մեկի ժամանակ, երբ հերթական անգամ սա հանում է երկու ուսանողի, ողջ դպրոցը ապստամբում է։ Այս դեպքը եղել է 2008 թվականի մարտի 1-ից մի քանի օր անց։ Ուսանողները սկսում են քայլել դեպի Երևան, ինչը աննախադեպ իրադարձություն է, որովհետև Եկեղեցու պատմության մեջ նման ապստամբության միայն մեկ անգամ է եղել։

Երբ Կաթողիկոսը տեղեկանում է դեպքի մասին, պահանջում է իրավիճակը կարգի բերել։ Սա տառացիորեն ԼԱՑՈՒՄ Է ուսանողների մոտ, Ավետարանի վրա երդվում ու ասում՝ «Ես էլ սենց ղալաթ չեմ ուտի, էկեք հետ գնանք, խնդրում եմ, էլ սենց բան չեմ անի»։

Իսկ այ Վեհափառ Հայրապետի մոտ այս դեպքը նկարագրելիս նա մեղքը բարդում է ուսանողների վրա, ստում, թե ուսանողներին ապստամբության են դրդել բարձր կուրսի ուսանողները։

Այս ստի պատճառով ողջ 4-րդ կուրսին հեռացնում են։ Պատկերացնու՞մ եք, 4 տարի սովորես հոգևորական դառնալու համար, իսկ հետո մի ստախոսի պատճառով քեզ հեռացնեն։

Նա իր ամբողջ կյանքում այսպիսինն է եղել, և դա է պատճառը, որ իր թեմում գրեթե բոլոր հոգևորականները պատրաստ են ընդունել Վեհափառի կողմից նշանակվելիք թեմի նոր ղեկավարի։