Ռուսաստանը դիվանագիտական ուղիներով դեռ չի ստացել պարզաբանումներ ԱՄՆ-ից՝ միջուկային փորձարկումները վերսկսելու մասին Թրամփի հայտարարությունների վերաբերյալ․ Լավրով

Ռուսաստանը դեռևս դիվանագիտական ​​​​ուղիներով չի ստացել պարզաբանումներ Միացյալ Նահանգներից՝ միջուկային փորձարկումները վերսկսելու մասին Թրամփի հայտարարությունների վերաբերյալ, հայտարարել է ՌԴ արտաքին գործերի նախարար Սերգեյ Լավրովը:

Ավելի վաղ Թրամփը հայտարարել էր, որ հրամայել է անհապաղ սկսել միջուկային զենքի փորձարկումները հավասար հիմունքներով այն երկրների հետ, որոնք, նրա խոսքով, ունեն միջուկային զենքի ծրագրեր։

Նա իր որոշումը կապել է այլ երկրներում փորձարկման ծրագրերի առկայության հետ։ Թրամփի խոսքով՝ Միացյալ Նահանգներն ունի ամենամեծ միջուկային զինանոցը, բայց Չինաստանը կարող է հասնել նրան հինգ տարվա ընթացքում։

Բուսանում կայացած Թրամփի և Սի Ծինփինի համատեղ մամուլի ասուլիսում նա չի պատասխանել լրագրողների այն հարցին, թե ինչու է հայտարարել փորձարկման անհապաղ մեկնարկի մասին։

Ավելի վաղ Թրամփը, մեկնաբանելով Ռուսաստանի կողմից միջուկային շարժիչով «Բուրեվեստնիկ» թևավոր հրթիռի փորձարկումը, հայտարարել էր, որ աշխարհի լավագույն միջուկային սուզանավը գտնվում է անմիջապես Ռուսաստանի ափերի մոտ։