Չեմ կարողանում հանդուրժել այն մարդկանց, ովքեր միայն իրենց փորն են լցնում` առանց ուղեղն աշխատեցնելու. ինչ է ակնարկում Աննա Հակոբյանը ամուսնուն

Նիկոլ Փաշինյանի տիկին Աննա Հակոբյանը ֆեյսբուքյան իր էջում կրկին չինական հին փիլիսոփայությունից հատվածներ է մեջբերել:

«Սաներից մեկը հարցրեց.

-Ի՞նչ է պետք կառավարելու համար։

Վարպետը պատասխանեց.

-Բավարար քանակությամբ սնունդ, բավարար քանակությամբ զենք և ժողովրդի վստահությունը։

-Եթե ստիպված լինեիր երեքից մեկից հրաժարվել, որի՞ց կհրաժարվեիր։

-Զենքից։

-Եթե ստիպված լինեիր հրաժարվել նաև մյուս երկուսից մեկից, ո՞րը կլիներ դա։

-Սնունդը։ Ի վերջո, բոլորն էլ մի օր մեռնելու են, բայց առանց ժողովրդի վստահության ոչ մի կառավարություն չի կարող կանգուն մնալ։

(The Text of The Analects, Chapter 12, 12.7.)

Վարպետն ասաց. «Չեմ կարողանում հանդուրժել այն մարդկանց, ովքեր առավոտից երեկո միայն իրենց փորն են լցնում` առանց ուղեղն աշխատեցնելու։ Ինչու՞ չեն մի բան խաղում. ոչինչ չանելուց առնվազն ավելի լավ է»։

(The Text of The Analects, Chapter 17, 17.22.)

2570 տարվա հնության այս մտքերն, իհարկե, միշտ կարելի է հարմարեցնել մեր օրերին և մեկնաբանել՝ ըստ պատեհության։

Կոնկրետ այս մեկը ես կմեկնաբանեի հետևյալ կերպ` նա, ում մարդկային ամենամեծ արժեքն ու արժանիքը սեփական որովայնն է, լավ կանի` ընկերուհիների հետ խաղ խաղա և չմիջամտի խոսակցություններին, որոնք իր գլխին էլ, որովայնին էլ անհասանելի են։ Իսկ եթե վախենում է, որ տեսագրությունը կմտնի մարդկանց տներ, ապա ոչնչով չեմ կարող մխիթարել։ Թարսի նման, Վարպետն էլ նման դեպքերի համար բան չի ասում։

Մարդկային արժանապատվության այլասերումն, ինչ խոսք, լույսի արագությամբ գերազանցում է հազարամյակների իմաստություններին»,- գրել է Աննա Հակոբյանը: