Քաղաքագետ Վլադիմիր Մարտիրոսյանը՝ «նոր» քաղաքական գործիչներին. «Մի փորձեք խաղալ Փաշինյանի խաղով»

«Պլատոնը իմ բարեկամն է, բայց ճշմարտությունն ավելի թանկ է» սկզբունքով, գրել է քաղաքագետ Վլադիմիր Մարտիրոսյանը։

«Հին ու նոր, սև-սպիտակ, նախկին-ներկա, իրական-պատմական հասկացություններն իրենց հարցազրույցներում մերժող և ժողովրդի միասնությունն ու համախմբումը որպես իրենց քաղաքական ցանկություն և քաղաքական կուրս ներկայացնողներին երկու կարճ քաղաքական և մասնագիտական անվճար խորհուրդ:

Քաղաքական խորհուրդ.

«Նոր» լինելը խոշոր հաշվով ռեալ պոլիտիկում ոչինչ չի նշանակում: Երբ դուք մերժում եք սև-սպիտակը, նախկին-ներկա բաժանումը, որպես քաղաքական կատեգորիա, բայց երկու նախադասություն հետո ինքներդ եք ընկնում թակարդը, երբ ստիպված սկսում եք հերքել նախկինների հետ ասոցացիան և համագործակցության հնարավորությունը, հիշեք մեկ հանգամանք: Նախ՝ քաղաքականության մեջ ոչինչ մի մերժեք, եթե դա ձեր սկզբունքային և կատեգորիկ մերժման հորիզոնականներում չէ: Դուք օբյեկտիվորեն առայժմ չեք հասկանում քաղաքականությունից և չունեք այդքան քաղաքական փորձ որքան՝ նախկինները:

Մի վստահեք «սոցիոլոգիային» առավել քան ռեալ պոլիտիկին: Իրական սոցիոլոգիաները չեն հրապարակվում, դրանք բացառապես աշխատանքային են մնում, հրապարակվում են PR նշանակություն ունեցողները: Մի վախեցեք նախկինների հետ չափավոր և օբյեկտիվ ասոցացումից, որովհետև դե էն «սոցիոլոգիան» նախկիններին իբր ցածր ցուցանիշ է տվել, մեզ չկպնի, մենք նոր ենք: Առհասարակ, եթե ձեզանից որևէ բան ներկայացնում եք, ուրեմն եղել եք, աշխատել և արարել եք նաև նախկինում, ինչը նորմալ է, լավ է, ոչ թե ծնվել եք 2018-ից հետո և «նոր» եք:

Մի վախեցեք, դա ակներև է, վերջապես, ավելի լավ, ազնիվ, ճիշտ և առաքինի կլինի ոչ թե օգտվել փաշինյանական նախկինաֆոբիայի արդյունքներից, որ դա հանկարծ ձեզ էլ չդիպչի, այլ ամեն բան կոչեք հնարավորինս իրենց անունով, եթե դա ձեզ է վերաբերելի:

Անվճար մասնագիտական խորհուրդ.

Հանեք ձեր մտահորիզոնից, աշխարհընկալումից, բառապաշարից «ապաքաղաքական» բառը: Ձևավորեք «risk assessment» ձեր խոսույթի և դիրքավորումների համար, որ հանրային առումով ավելի վստահելի և համոզիչ լինեք:

Մի օգտվեք Փաշինյանի սերմանած նախկինաֆոբիայից, բայց միաժամանակ բաժանարար գծերի, սև սպիտակի, նախկին ներկայի մերժում ու անընդունելիություն արեք: Դա ձեր վարժությունը չէ, դա Փաշինյանի մենաշնորհն է, դա ձեզ բացարձակ դիվիդենտ չի բերելու, որովհետև դրա ծրագրային ապահովումը Փաշինյանինն է, ոչ ձերը: Էս ժողովուրդը շատ լավ է զգում, որ հարցի պատասխանը ունեք, որինը չունեք, որտեղ եք խաբում, որտեղ՝ խուսափում, որտեղ եք ուզում դուր գալ և որտեղ եք բացարձակ անպատրաստ և անփորձ: Դիվիդենտահավաքությունն արեք բացառապես ձեր հաշվին, ոչ թե նախկինների կամ ներկաների:

Պատրաստվեք վերջնախաղի և ոչ արդյունքների: Վերջնախաղում նախկին, ներկա, նոր ապագա չկա, ոչ էլ թիվ կա: Կա հարց լուծող և հարց չլուծող:

Հայաստանում կա մեկ քաղաքական հարց և վերջ: Դուք Հայաստանի Երրորդ Հանրապետության պահապա՞ն եք, թե՞ Փաշինյանի անվան Չորրորդ Հանրապետության լոյալ ընդդիմություն: Այդ հարցի պատասխանը սկզունքային է և ոչ մի ճկունություն, խոսափում չի ենթադրում:

Թե բա սոցիոլոգիան...

Բարևներս՝ Պլատոններին...»։