Նա ինձ երկրորդ երիտասարդություն պարգևեց․ Մխիթարյանը պատմել է, թե ինչպես է որոշել տեղափոխվել Ինտեր

Հայաստանի ազգային հավաքականի բոլոր ժամանակների լավագույն ռմբարկու Հենրիխ Մխիթարյանը պատմել է, թե ինչպես է որոշում կայացրել միանալ Միլանի «Ինտերին» և ինչու չի ցանկացել շարունակել կարիերան «Ռոմայի» կազմում։

Հենրիխը նաև խոսել է «ներաձուրիի» նախկին գլխավոր մարզիչ Սիմոնե Ինձագիի՝ իր կարիերայի վրա ունեցած ազդեցության մասին։

«Ամեն ինչ սկսվեց «Ռոմայում» անցկացրած երկրորդ տարուց հետո, երբ ես զանգ ստացա Պիերո Աուզիլիոյից, և նա ասաց, որ ուզում են ինձ տեսնել «Ինտերում»։ Այդ զանգից հետո մենք այլևս երբեք չխոսեցինք։ Հետո՝ «Ռոմայում» անցկացրած երրորդ մրցաշրջանում, Մոուրինյուի և մարզական տնօրեն Տիագո Պինտոյի հետ խոսակցություններ եղան պայմանագրի երկարաձգման մասին։ Տիագո Պինտոն գիտեր, որ ինձ դուր է գալիս քաղաքը, և որ ես ուզում եմ այնտեղ ավարտել կարիերաս։ Բայց չգիտեմ, գուցե նրանք չէին հասկանում ինձ կամ չէին հավատում ինձ և ուզում էին ամեն ինչ անել իրենց ձևով։ Ես ասացի. «Ոչ, այդպես գործերը չեն արվում։ Ես պետք է ինձ կարևոր զգամ ձեզ համար, բայց դուք ինձ առաջարկում եք մեկ գումարած մեկ տարվա պայմանագիր, որը ես չեմ ուզում։ Ես 33 տարեկան եմ և կցանկանայի վստահ լինել»։

Ավելին՝ Armsport