Գլխավոր դատախազությունը հոկտեմբերն սկսել է հուշանվերների ու թղթապանակների գնումներով. Որքա՞ն գումար է ծախսել

ՀՀ դատախազություն հոկտեմբեր ամսվա ընթացքում հասցրել է կատարել 6 գնում, որոնց ընդհանուր համագումարը կազմել է 902.980 դրամ։ «Փաստինֆո»-ն պաշտոնական բաց աղբյուրներից տեղեկացավ, որ գերատեսչությունը գնումներ է կատարել հոկտեմբրի 2-ին, 3-ին և 6-ին։

Այսպիսով, հոկտեմբերի 2-ին գերատեսչությունը Գայանե Բենյամինյան ԱՁ-ին վճարել է 17.000 դրամ գիդ ծառայության համար նախատեսված հոկտեմբեր ամսվա համար։ Նույն օրը «Արմքոին» ՍՊԸ-ից գնվել է 10 հատ արծաթե հուշամեդալ փայտյա տուփով, որի համար վճարվել է 370.000 դրամ։ 1 արծաթե մեդալի արժեքը եղել է 37.000 դրամ։ Նույն օրը Արմեն Հարությունյան ԱՁ-ից գնվել է 10 հատ 925 հարգի արծաթե էջանշաններ հավերժության նշանի պատկերով, որի համար էլ վճարվել է 260.000 դրամ։ 1 էջանշանն արժեցել է 26.000 դրամ։

Հոկտեմբերի 3-ին դատախազությունը գնում է կատարել նաև «Էմիլ Գրիգորյանի անվան Երևանի ոսկերչական գործարան» ԲԲԸ-ից։ Գերատեսչությունը գնել է 10 հատ հուշանվեր տուփ, որի համար վճարվել է 65.000 դրամ։ Մեկ տուփն արժեցել է 5416 դրամ։
«Բրաբիոն ֆլորա սերվիս» ՍՊԸ-ից հոկտեմբերի 6-ին ձեռք է բերվել ծաղկաման, որը հարկերը ներառյալ արժեցել է 18.500 դրամ, իսկ առաքման համար վճարվել է 2500 դրամ։

Նույն օրը գերատեսչությունը վճարել է նաև տպագրության համար։ Սուրեն Մանանդյան ԱՁ-ի մոտ գերատեսրությունը պատվիրել է գրիչների, նոթատետրերի և թղթապանակների տպագրություն, որն արժեցել է 169.980 դրամ։ Հոկտեմբերը դեռ առջևում է, «Փաստինֆո»-ն կներկայացնի նաև գերատեսչության հետագա գնումները։

Նշենք, որ եպտեմբերին գերատեսչությունը կատարել է 15 գնում, որոնց ընդհանուր համագումարը կազմել է 6 միլիոն 412.375 հազար դրամ։
Հիշեցնենք նաև, որ այս գնումները կատարվում են պետբյուջեի հաշվին։