Փաշինյանի քաղաքականության հետևանքով ստացել ենք ՀՀ-ի դեմ զավթողական հայեցակարգ, որով կրթվում է մի ողջ սերունդ Ադրբեջանում
Ադրբեջանագետ Տաթևիկ Հայրապետյանի տելեգրամյան գրառումը.
Նիկոլ Փաշինյանի խոսքով՝ 2022 թվականի հոկտեմբերի Պրահայում տեղի ունեցած քառակողմ հանդիպման արդյունքներով Հայաստանը և Ադրբեջանը ձեռք բերեցին քաղաքական պայմանավորվածություն, որ պատրաստ են միմյանց տարածքային ամբողջականությունը և ինքնիշխանությունը ճանաչել Ալմա-Աթայի հռչակագրի հիման վրա։
«Սա այն շրջադարձային կետն էր, որը փոխեց մեր ամբողջ ռազմավարությունը, որովհետև սա մեր առաջին փորձարկումն էր՝ լեգիտիմությունը դարձնել անվտանգության գործիք։ Եվ այդ կետից այդ գործիքը սկսեց աշխատել…»:
Հիրավի «աշխատել է»:
Պրահայում Արցախն Ադրբեջանի մաս ճանաչելուց 2 ամիս անց՝ 2022 թվականի դեկտեմբերի 24-ին Ալիեւը հայտարարեց. «Այս տարածքում Հայաստան երբեք չի եղել։ Այսօրվա Հայաստանը մեր հողն է»։
Փաշինյանի՝ Արցախի հարցում որդեգրած քաղաքականության հետեւանքով մենք ստացել ենք ՀՀ-ի դեմ զավթողական հայեցակարգ, որով այժմ կրթվում է մի ողջ սերունդ Ադրբեջանում։ Իսկ դրանից եկող վտանգները ցանկացած՝ մտածելու ունակ մարդ կարող է հասկանալ առանց իմ մեկնաբանության անգամ…
Հետևեք մեզ Viber-ում
