Ինչպե՞ս եք արդարացնելու ձեր «մտահոգությունը», երբ մի օր հենց Հայ Եկեղեցին հրաժարվի իր այդ տեսակ հետևորդներից․ Տեր Ղազար քահանա
Տեր Ղազար քահանա Թորոսյանը գրել է․
«ՀՀ Էկենոմիկայի նախարար Գևորգ Պապոյանը, պատասխանելով լրագրողի հարցին, ասել է, որ Եկեղեցու վերնախավի մեծ մասը իրենց սահմանած ուխտի հետ կապված խնդիր ունի։ Զրպարտչական այս հայտարարությունը նախարարը քողարկել է Հայ Եկեղեցու հանդեպ իր՝ որպես Եկեղեցու հետևորդի «մտահոգությամբ», ինչը վերջին շրջանին բնորոշ է նրա քաղաքական ներկայիս թիմի որոշ անդամների հռետորաբանությանը։
Հայ Եկեղեցու բարձրաստիճան եկեղեցականների մեծ մասի հասցեին նման անպատասխանատու հայտարարություն լսելուց հետո բնական հարց է ծագում. Ի՞նչ գիտի նախարարը, թե ով ինչ մեղք է գործել, մանավանդ, որ նա որևէ մեկի խոստովանահայրը չէ։ Կամ եթե նա իրապես այպիսի տեղեկությունների է տիրապետում, թող հանրայնացնի դրանք անուններով ու փաստերով, այլապես նա կդասվի մյուս զրպարտիչ ու անպատասխանատու պաշտոնյաների ցանկում։ Սուրբ Գիրքն ասում է. «Ով ստի վրա է հաստատվում, նա հողմեր է արածեցնում կամ թևավոր թռչուններ է փորձում բռնել» (Առակաց 9։12)։
Մեկ հիշեցում իրենց Հայ Եկեղեցու հետևորդ համարողներին. Հայ Եկեղեցու հետևորդը չի կարող հարգանք չունենալ նույն Եկեղեցու Նվիրապետական կարգի հանդեպ և անհասկանալի շահերից մղված՝ կասկածի տակ դնել Եկեղեցու հեղինակությունն ու վաստակը։ Ինչպե՞ս եք արդարացնելու ձեր «մտահոգությունը», երբ մի օր հենց Հայ Եկեղեցին հրաժարվի իր այդ տեսակ հետևորդներից։ Պատասխանատվությամբ մոտեցեք ձեր խոսքին և վարքին ու մի հասունացրեք այդ պահը։
Մեր աղոթքն է, որ Տերը իմաստություն շնորհի այս անձանց, որպեսզի նրանք, Սուրբ Ներսես Շնորհալի Կաթողիկոսի խոսքով, «բարին խոսեն, խորհեն և գործեն»»։
Հետևեք մեզ Viber-ում
