Ադրբեջանը Ռուսաստանից երկու տեսակի ներողություն է պահանջում․ Էլմար Մամեդյարով
Ադրբեջանի նախկին արտգործնախարար Էլմար Մամեդյարովը հայտարարել է, որ Ադրբեջանը Ռուսաստանից պահանջում է երկու տեսակի ներողություն՝ ժողովրդից և ադրբեջանական ինքնաթիռի ոչնչացման հետևանքով զոհվածների ու վիրավորների ընտանիքներից։
«Տեսնենք, թե Կրեմլը ինչ ուղի կընտրի։ Հասկանում եմ, որ նախագահ Վլադիմիր Պուտինը սպասում է հետաքննության ավարտին և դատարանի որոշմանը։ Այն պետք է ավարտվի մինչև տարեվերջ։ Կսպասենք արդյունքներին », - Globalinfo-ին ասել է Մամեդյարովը։
Նա կարծիք է հայտնել, որ Ռուսաստանի և Ադրբեջանի միջև հարաբերությունները կկարգավորվեն՝ ընդգծելով, որ Բաքուն Մոսկվայի հետ հարաբերությունների «նոր փուլ է մտել», որը պայմանավորված է ինքնաթիռի հետ տեղի ունեցած միջադեպով։
«Դժվար է որևէ կոնկրետ բան ասել այն մասին, թե որքան կշարունակվեն ադրբեջանցիների դեմ սադրանքները։ Սակայն այս ուղղությամբ պետք է դիվանագիտական քայլեր ձեռնարկվեն»- նշել է Մամեդյարովը։
Թարգմանությունը՝ lurer.com-ի։
Հետևեք մեզ Viber-ում
