Փաշինյանի արտաքին քաղաքականություն կոչվածի նպատակը Հայաստանը Թուրքիայի և Ադրբեջանի վասալ սարքելն է. Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանի գլխավորած Հայաստանը հաշվարկված արտաքին քաղաքականություն չունի։
Ընկերներիցս մեկն ասում է՝ եթե չգիտես, թե ուր ես գնում, ինչ տարբերութուն, թե հիմա որտեղ ես։ Նիկոլ Փաշինյանի արտաքին քաղաքականություն կոչվածի նպատակը Հայաստանը Թուրքիայի և Ադրբեջանի վասալ սարքելն է, սակայն Հայաստանի համար դրա աղետալի հետևանքները մտածված, հաշվարկված չեն Մի կողմից դեկլարատիվ օրենք են ընդունել Եվրոպական Միությանը Հայաստանի անդամակցության գործընթացի մեկնարկի մասին, մյուս՝ կողմից ԱԳՆ խոսնակը հայտարարել է Շանհայի տնտեսական համագործակցության կազմակերպությանը Հայաստանի անդամակցության մտադրության վերաբերյալ։ Հայաստանը մնացել է առանց դաշնակից, կարողացան նույնիսկ Վրաստանի հետ հարաբերությունները փչացնել, Վրաստանի իշխանությունները տարբեր պատրվակներով խոչընդոտում են այդ երկրի տարածքով հայկական ապրանքների արտահանմանը։ ԱՄՆ-ի և Եվրամիության կողմից նոր պատժամիջոցների ազդեցության տակ, Ուկրաինայում շարունակվող, մեծ ռեսուրսներ խժռող պատերազմի պայմաններում առաջիկայում Ռուսաստանում տնտեսական վիճակը սրվելու է, այդ երկրի քաղաքական կյանքում հավանական են արմատական փոփոխությունններ; Հայաստանը դրանց պատրաստ չէ, ինչպես պատրաստ չէ ամեն փորձության՝ պատերազմին, կարկտահարությանը, սելավներին, կորոնավիրուսի համաճարակին և այլն»: