Փորձագետ Կարեն Իգիթյանի` Հայաստան մուտքն արգելելու հիմքում քաղաքական դրդապատճառներ են. Տիգրան Աբրահամյան

Տիգրան Աբրահամյանը գրում է. «Պարզվում է` փորձագետ, Հայ-ռուսական համալսարանի դասախոս Karen Igityan-ի մուտքը ՀՀ արգելվել է:

Թեև Իգիթյանը ՌԴ քաղաքացի է, սակայն 2009 թվականից մշտական բնակություն էր հաստատել իր հայրենիքում` Հայաստանում:

Սահմանապահները նրա մուտքն արգելելու հետ կապված որևէ հիմնավորում չեն ներկայացրել, սակայն վստահ եմ, որ դրա հիմքում քաղաքական դրդապատճառներն են` հաշվի առնելով Կարենի հրապարակային դիրքորոշումներն ու իշխանության նկատմամբ ունեցած վերաբերմունքը:

Դեռ չեմ խոսում այն մասին, որ մինչև այս պահն իշխանությունը նման ձևով է վարվել աշխարհի տարբեր հատվածներում ապրող հայերի նկատմամբ և արգելել այն մարդկանց մուտքը Հայաստան, որոնց տեսակետները տարբերվում են իշխանության դիրքորոշումներից»։