Վախի աչքերը մեծ են լինում, բերանը՝ գարշահոտ, սիրտը՝ թփրտացող

Նիկոլի մոտ ոչ թե Էդիպի կոմպլեքս է, ոչ թե «հայրասպանության» ակտ է, ոչ թե տիեզերական անբարոյականության դրսևորում է, այլ սարսափելի վախ և նեկրոֆիլիայի սուր նոպա։

Նրա մոտ Հերոստրատի սինդրոմ կամ Ներոնի դափնիներին արժանանալու մղում չէ։ Ինքը նույնիսկ Մարկեսի ստեղծագործության հակահերոսը չէ։ Ինքը փոքր մարդ է, որը գնում է մեծ դավաճանության սեփական կաշին ու թալանը փրկելու համար։

Նիկոլն իր փրկությունը տեսնում է Հայաստանի կործանման մեջ։ Դրա համար էլ էնտուզիազմով կատարում է թուրք–ադրբեջանական հրահանգները։ Վերջիններս նրան կյանք են խոստացել միայն Հայաստանի լուծարման դեպքում։ Նրա վարքագիծը եթե այդ պրիզմայով դիտարկեք, մնացած ամեն ինչ պարզ կդառնա։

Հայաստանի լուծարման նիկոլական քաղաքականությունը բոլորիս, այդ թվում՝ ՔՊ–ի մեծ մասին, դրել է մի նավակի մեջ։ Այնպես որ հանրային լայն երկխոսությունն ու Հայաստանի փրկությանը միտված ժողովրդական համերաշխությունն այլընտրանք չունեն։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից