Իրանի հետ այս գործարքը կարող է ավարտվել երկու ձևով
ԱՄՆ նախագահ Դոնալդ Թրամփը կարծում է, որ Իրանի հետ Իսլամական Հանրապետության միջուկային ծրագրի շուրջ բանակցությունները ճիշտ ուղղությամբ են ընթանում։ Այս մասին լրագրողների համար կազմակերպված հերթական ճեպազրույցի ժամանակ հայտարարել է Սպիտակ տան մամուլի քարտուղար Քերոլայն Լիվիթը։
Նա նշել է, որ Թրամփը նախկինում հեռախոսազրույց է ունեցել Իսրայելի վարչապետ Բենիամին Նեթանյահուի հետ, որի ընթացքում նրանք քննարկել են Վաշինգտոնում Իսրայելի դեսպանատան երկու աշխատակիցների սպանությունը։ Նրանք խոսել են նաև Իրանի հետ հնարավոր գործարքի մասին, որը, նախագահի կարծիքով, ճիշտ ուղղությամբ է շարժվում։
«Եվ ինչպես նախագահն ինձ ասել է, և ինչպես նա ձեզ բոլորիդ ասել է, Իրանի հետ այս գործարքը կարող է ավարտվել երկու ձևով։ Այն կարող է ավարտվել շատ դրական դիվանագիտական արդյունքով, կամ կարող է ավարտվել շատ բացասական իրավիճակով Իրանի համար։ Ահա թե ինչու են այս բանակցությունները տեղի ունենում այս շաբաթվա վերջում», - հավելել է Սպիտակ տան մամուլի քարտուղարը։
Հետևեք մեզ Viber-ում
