Նվիրվում է ՔՊ-ականներին, հատկապես՝ Արշակյան Հակոբին

Ազգային ժողովում մայիսի 8-ի նիստում ԱԺ ՔՊ-ական փոխնախագահ Հակոբ Արշակյանը ելույթ ունեցավ և արձագանքեց «Հայաստան» խմբակցության պատգամավոր Արծվիկ Մինասյանին՝ ասելով․ «Մարտի 1-ի օրինակն եք բերում, ասում եք, որ սրա մեղավորը Նիկոլ Փաշինյանն է։ Նիկոլ Փաշինյանը մարդկանց բան ա արել, ուղորդել ա ոստիկանական զորքերի վրա և գնացել բախումնե՞ր ա արել, մարդիկ ե՞ն սպանվել»։

Եթե Հակոբ Արշակյանն այս ամենն ասեր առանց հարցական նշանի, նրա հիշողությունը թարմացնելու կարիք չէր լինի, բայց քանի որ հարցական նշան է օգտագործել, պատասխանենք, որ՝ այո։

Առաջարկվող տեսանյութում Նիկոլ Փաշինյանի ելույթն է 2008թ․ մարտի 1-ին․, դիմելով ամբոխին՝ ասում է․ «Տղերք, չեք պատկերացնում հոգիս ոնց էր փառավորվում, երբ իմացա՝ ոստիկանների ձեռքից վահաններ ու մահակներ եք խլել, ապրեք դուք։

Ես ձեզնից յուրաքանչյուրին կոչ եմ անում ունենալ ձեռքին ինչ-որ բան՝ ինքնապաշտպանությունը կազմակերպելու համար, կլինի փայտ, կլինի քար»։

Հետո բախումների ժամանակ բարձրախոսով Նիկոլ Փաշինյանը գոռում էր․ «Ձկան խանութ պադկրիպլենի ա պետք․․․», «Մեր առաջին ռազմավարը․․․», «Մեր դիրքերից հետ մի գնացեք, էսօր պետք ա վերջացնենք․․․»։

Մանրամասն՝ yerevan.today-ի տեսանյութում։