«Սա ամեն ինչ կփոխի»․ Ինչ արեց Զելենսկին Թրամփին հաճոյանալու համար

ՌԻԱ Նովոստին գրում է, որ ԱՄՆ իշխանությունները պնդում են, որ Կիևը կարող է համաձայնվել տարածքային զիջումների՝ խաղաղության համար։ Ի պատասխան՝ Մոսկվան թվարկել է իր պահանջները, որոնք չեն սահմանափակվում նոր սահմանների ճանաչմամբ։

ՌԻԱ Նովոստին հաղորդում է ուկրաինական հակամարտության շուրջ կատարվողի մասին։

Հրաժեշտի հանդիպում

Ամերիկայի նախագահը և Կիևի ռեժիմի ղեկավարը հանդիպել են Հռոմի պապ Ֆրանցիսկոսի հուղարկավորության ժամանակ։ Բանակցությունները տևել են 15 րոպե։ Սպիտակ տունը զրույցը որակեց «շատ արդյունավետ», իսկ Զելենսկին այն անվանեց «խորհրդանշական» և «պատմական» դառնալու ունակ։

«Լիակատար և անվերապահ հրադադար, երկարատև խաղաղություն։ «Շնորհակալություն, նախագահ Դոնալդ Թրամփ», - ասել էր նա։

Կիևի իշխանությունները հույս ունեին շարունակության, բայց Թրամփը վերադարձել էր ԱՄՆ։ Ավելին, նա դա արել էր առանց խաղաղության մոտիկության և Բարաք Օբամայի ու Ջո Բայդենի ապակառուցողական դերի մասին սովորական քննարկումների։

Հոդվածագիրը գրում է, որ ավելի ուշ ԱՄՆ նախագահը հայտարարել էր, որ Զելենսկին պատրաստ է հրաժարվել Ղրիմի նկատմամբ իր պահանջներից։ Նրա խոսքով՝ Զելենսկին «ավելի հանգիստ» է դարձել և հետաքրքրված է կարգավորման հարցով։ 

Հոդվածի հեղինակի հաղորդմամբ՝ Թրամփը հայատարարել է, որ Ռուսաստանը և Ուկրաինան մոտ են համաձայնագրի կնքմանը։ Հիմնական պայմանների մեծ մասը համաձայնեցված է, և կողմերը այժմ պետք է հանդիպեն «շատ բարձր մակարդակով»։

Հոդվածագիրը հիշեցնում է՝ Պուտինը թույլատրել է Կիևի հետ ուղիղ շփումներ։ Սակայն այնտեղ նրանք պետք է «օրինականորեն վերացնեն խոչընդոտները»։