«Կյանքի թանկացումը»․ ինչու է հսկայական արտաքին պարտք գոյացել և որտեղ են հանգրվանել այդ պարտքի գումարները
«Քաղաքացու իրավունքների պաշտպան» ՀԿ նախագահ Կարեն Հեքիմյանի ֆեյսբուքյան գրառումը. «Այսօր ծառայություններ մատուցող հերթական կազմակերպությունն ազդարարեց իր ծառայությունների թանկացման մասին: Պատճառը` «կյանքի թանկացումն է»:
Իրականում` «կյանքի թանկացումը» Հայաստանի գրեթե բոլոր ոլորտներում է: Սակայն, արդյո՞ք «կյանքի թանկացումը» հիմք ունի:
Հայաստան մտնող գազը չի թանկացել:
Հայաստանում արտադրվող էլեկտրաէներգիան չի թանկացել, ջուրը` նույնպես:
Կանաչի ծախող տատիկն ասում է, որ սնունդը թանկացել է: Սննդի խանութի սեփականատերն ասում է, որ մատակարարները թանկացրել են սնունդը: Մատակարարներն ասում են, որ պետությունը հարկերն ու տուրքերն է թանկացրել: Պետությունն ասում է, որ հսկայական արտաքին պարտք ունենք: Շղթան կարծես կտրվեց: Բաց մնաց այն հարցը, թե ինչու է հսկայական արտաքին պարտք գոյացել և որտեղ են հանգրվանել այդ պարտքի գումարները»:
Հետևեք մեզ Viber-ում
