Ռուսաստանը ՄԱԿ ԱԽ-ի փակ հանդիպում է խնդրել

Ռուսաստանն ապրիլի 17-ին ՄԱԿ-ի Անվտանգության խորհրդի (ԱԽ) փակ խորհրդակցություններ է խնդրել ՌԴ-ի եւ Ուկրաինայի էներգետիկ օբյեկտներին հարվածների մորատորիումի վերաբերյալ: Այս մասին հայտնել է ՄԱԿ-ում Ռուսաստանի մշտական ներկայացուցչի առաջին տեղակալ Դմիտրի Պոլյանսկին։ Հաղորդում է ՏԱՍՍ-ը։

«Մենք այսօր ՝ ապրիլի 17-ին, ՄԱԿ - ի Անվտանգության խորհրդի փակ խորհրդակցություններ ենք խնդրել (որոնք Ուկրաինայի ներկայություն չեն նախատեսում), որպեսզի քննարկենք Ռուսաստանի եւ Ուկրաինայի էներգետիկ օբյեկտներին հարվածների 30-օրյա մորատորիումի գործողության արդյունքները, որը մարտի 18-ին առաջարկել էր ԱՄՆ նախագահ Դոնալդ Թրամփը եւ բարեխղճորեն պահպանել ռուսական կողմը», - գրել է Պոլյանսկին Telegram-ալիքում:

Դրանք կսկսվեն մոտավորապես Նյու Յորքի ժամանակով 16: 30-ին (Մոսկվայի ժամանակով 23:30-ին)։