«Երբ խոսում է ՀՀ երրորդ նախագահը` բոլորը լսում են նրան… կյանքով ապացուցված եմ Սերժ Սարգսյանի ալֆա տղամարդկային որակները». Նազարյան

Լևոն Նազարյանը ֆեյսբուքյան իր էջում գրում է. «ԱԼՖԱՆ ՈՒ ՍԻԳՄԱՆԵՐԸ…

 «Պատվախնդրություն և հավատ».

Որպես ՀՀ երրորդ նախագահ և ՀՀԿ ղեկավար, հենց այս բառերով, Սերժ Սարգսյանը փոխանցեց իր կոչն ուղղված հանրությանը, կուսակցության խորհրդի երեկ կայացած նիստում։
Նախագահ Սարգսյանի ուղերձների սրությունը թարմ օդի պես բարոյական և գաղափարական աֆիլակտիկ շոկի է ենթարկել կապիտուլյացի ճահճի մեջ մխրճված և թոքերի կենսական տարողության անբավարարությամբ տառապողներին։ Արդյունքում առավոտից քաղաքական դաշտը ողողված է սույն երկկենցաղների տարտմելի ու ականջ ծակող կռկռոցով։

 Նախագահ Սարգսյանի ելույթն իրապես վերածվել է քաղաքական իմպուլսի, որը սկսել է թիթեռի հայնտի էֆֆեկտով, գրգռել տարբեր ուժերի ուշադրությունն, ինչը թերևս բնական է։ Քանզի նախագահ Սարգսյանն ոչ թե զուտ իր «համակուսակիցների» նոմենկլատուրային քարտուղարն է, այլ հանրային լայն ընկալում ունեցող ազգային և պետական գործիչ, որում էլ վերջինս ինքնստինքյան ասոցացվում է պատասխանատվության և շիտակության հետ։ Բնական, բայց ոչ բարոյական է նաև` ածելին ուղիղ բռնել չկարողացող, սակայն սեփական քաղաքական կապիտալը միայն մորուքի մեջ կապիտալիզացրած շերեփուկների անկանոն տենդը` դրդված նախագահի երեկվա ելույթից…

Կենսաբանությունում և հանրային հոգեբանության մեջ պատասխանատվություն ստանձնելու ունակությունը հիմնական տարբերակիչն է կանացի և արական էությունների միջև։ Իսկ տղամարդկային հոգեբանության պարագայում առավելապես` սեփական կենսատարածքի հանդեպ ունեցած պատասխանատվության զգացումը և դրանից ենթադրվող քայլերն, այն միակ բնութագրիչներն են, որով որևէ մեկին կարելի է բնութագրել որպես ալֆա֊գործիչ։

Երեկ, անկախ իր և ՀՀԿ հանդեպ գեներացված քստմնելի արշավից, նախագահ Սերժ Սարգսյանը կրկին վերահաստատեց ազգային և պետական հարցերում իր անդրդվելի պատասխանատվությունը և նվիրումը։ Տեղի ունեցավ քաղաքական դաշտի ապագային ուղղված ծրագրային լանդշաֆտավորում, դեմք ու դիմագիծ փնտրողների համար` քաղաքական ինքնության հայելիների արծաթազօծում և ամենակարևորը` Հայաստանն առանց Նիկոլ և Հայաստանը Նիկոլից հետո տեսլականի գործնական երևակում։

Արդյունքում, գոտկատեղի շրջանի որոշ օրգաններում ջրի ավելցուկի խլվլոցը` տեստոստերոնի բարձրացման հետևանքով եռացող արյան հետ շփոթած սիգմա երկկենցաղները ցավագին ծղրտոցներ են արձակում` իրենց գոյության անպատիվ միջավայրի մոտալուտ վախճանը կանխազգալով։ Նորից վերադառնալով գիտական գիտելիքների տրամաբանությանը, պետք է փաստեմ, որ պարտությունն առաքելություն համարող սիգմաները զրկվում են ոչ միայն կենսատարածքից, իրենց դեպքում «շաբաթը երեք անգամ մսով ճաշ» ունենալուց, այլ նաև սեփական սերունդներին դաստիարակելու հնարավորությունից։

Ի հակակշիռ կապիտուլյանտ տակսիկոման քաղաքական մթնոլորտի, երեկ ՀՀ երրորդ նախագահ Սերժ Սարգսյանը ամրագրեց, որ.

1. Առկա է գոյաբանական վտանգ, վտանգված է Հայաստանի անկախությունն ու արցախահայության ապագան ուստի մենք չենք կարող մեզ թույլ տալ` ապրել սովորական կյանքով։

2. Հանրապետական կուսակցությունն ազատ մարդկանց միավորում է, որոնց նպատակն է արևի տակ սեփական ազգի համար բարվոք տեղերի ապահովումն։

2. Ի դերևս երկպառակության «տարանջատում» աղանդավորական շարժման հրահրողների, հանրապետական կուսակցության հետ են շաղկապված երրորդ, անկախ հանրապետության համար մաքառած գործիչների կեսից ավելին։

3. Հայաստանի անկախացմանը զուգահեռ, մենք մեր տեղում ենք և երբեք չենք դադարելու կամ ընկճվելու մեզ զրպարտողներին զինաթափ անելու գործում։

4. Ճշմարտությունն ու առինքնումը հիմնական գործիքակազմն են, որոնք առկա են պայքարի մեր զինանոցում։

5. Մեր խորհրդանիշն արծիվն է, իսկ մյուսները ցավոք դեռ դուրս չեն եկել ավանակի հետ ունեցած խորհրդաբանությունից։

6. Հայրենիքի վաճառականների դեմ պայքարում մենք բաժանարար չենք առաջարկում և ջանում ենք ուժերը կենտրոնացնել հիմնական խնդրի հաղթահարման ուղղությամբ, քանզի խնդրի լուծումը հասանելի չէ որևէ մեկ միանձնյա ուժի։

7. Հայրենիքի, պետության և անկախության ապագան մեր ձեռքերում է։

Սերունդների և կենսատարածքի հանդեպ սեփական անպատասխանատու կեցվածքը սիգմաները խլացնում են սպառողական ու անասնական վարքագծի խթանմամբ, որի արդյունքում միայն ու միայն զոհն են դառնում հարևան գիշատիչ տեսակների։ Եվ այս քաղաքական էկոհամակարգում սիգմաների ատելությունն ուղղվում է բացառապես դեպի ալֆան, որովհետև վերջինս ստանձնում է պատասխանատվություն իր հասարակության առողջ բարոյական դաստիարակության, ազգային նկարագրի և անվտանգ կենսատարածքի համար։

Երբ խոսում է ՀՀ երրորդ նախագահը` բոլորը լսում են նրան, ինչպես համախոհները, ընկերները, թիմակիցներն, այնպես էլ թշնամին և անգամ աշխարհի մեծերը… քանզի կյանքով ապացուցված է Սերժ Սարգսյանի ալֆա տղամարդկային որակները։

Իսկ ո՞վ պետք է լսի ձեզ, պարտությամբ կնքված սիգմաներիդ…

 Հասարակության մոլորյա՞լ շերտերը…»։