Ռոման Երիցյանի պատասխանը Արփինե Սարգսյանին
Մենք հո չենք նշել, որ այնպիսի վնասվածքներ են հասցվել, որ վերջինս զրկվել է շարժվելու ունակությունից, ոչ, նա ուժեղ ցավեր չի զգացել, բայց խոշտանգվել է: Այս մասին լրագրողների հետ զրույցում ասաց Տիգրան Ուլուբաբյանի փաստաբան Ռոման Երիցյանը՝ անդրադառնալով ՆԳ նախարար Արփինե Սարգսյանի հայտարարություններին, թե, եթե իսկապես 6 ոստիկան ինտենսիվ ծեծեր, ապա մարմնի վրա այլ հետքեր կլիներ, որը չի արձանագրվել։
«Արցախցի Տիգրան Ուլուբաբյանին ենթարկած անձինք ոչ թե հասարակ քաղաքացիներ էին, այլ՝ պրոֆեսիոնալ խոշտանգողներ՝ ի դեմս ոստիկանության, որոնք գիտեն՝ ինչպես հասցնել վնասվածք, որ վառ արտահայտում չլինի և պատասխանատվության չենթարկվեն։ Տիգրան Ուլուբաբյանը խոշտանգվել է, արտահայտվել է՝ նրան հայհոյելու, նրա զոհված և հարազատ եղբորը հայհոյանքներ հնչեցնելու, նրա վրա թքելու, մազերը քաշելու տեսքով, ինչպես նաև՝ նրան յոթ ժամ ապօրինի պահելով»,- հայտարարեց նա։
Հետևեք մեզ Viber-ում
