Ինձ առանց որևէ հիմքի ու մեղադրանքի բռնել տարել էին հարցաքննել առաջին օրը, երկրորդ օրը տարել են ծեծել, հայհոյել. խոշտանգված արցախցի

«Ծեծելը հեչ, եթե հայհոյած չլինեին, այսքան բանը չէր լինի։ Ոստիկաններն օրենքի մարդիկ են, մենք իրենցով ենք այս պետությունում հանգիստ դուրս գալիս փողոց, հիմա անմեղ մարդուն բռնում են տանում են բաժին, ամենաթողություն ա»: 

«Ինձ առանց որևէ հիմքի ու մեղադրանքի բռնել տարել էին հարցաքննել առաջին օրը։ Երկրորդ օրը տարել են ծեծել, հայհոյել։ Ինձ ասում էին` «վերխդ հանի, հեսա մշակում ենք, ու պրիզնատ արի, որ դու ես արել։ Ես մի քանի անգամ ասել եմ` ո՛չ արել եմ նման բան, ո՛չ էլ երբևէ կանեմ։ Եթե էդ ոստիկաններին օրենքով չպատժեն, ես էլ ո՞նց վախենալով ապրեմ էս երկրում»: Այս մասին ՀՀ Քննչական կոմիտեի մոտ ընթացող բողոքի ակցիայի ժամանակ ասաց օրեր առաջ ոստիկանների կողմից խոշտանգված արցախցի Տիգրան Ուլաբաբյանը։