Ստամբուլում բողոքի ակցիաներ են, հազարավոր մարդիկ դուրս են եկել փողոց

Ստամբուլի ընդդիմադիր քաղաքապետ Էքրեմ Իմամօղլուն ձերբակալելուց հետո քաղաքում բողոքի ցոյցեր են։ Բազմաթիվ մարդիկ հավաքվել են Ստամբուլի գլխավոր ոստիկանական բաժանմունքի մոտ՝ հայտարարելով, որ նախագահ Թայիփ Էրդողանի գլխավոր քաղաքական մրցակցի և քաղաքի քաղաքապետ Էքրեմ Իմամօղլուի կալանավորումը հարված է թուրքական ժողովրդավարությանը:

Քաղաքում մինչև մարտի 23-ը արգելված է հանրահավաքներն ու ցույցերը, բայց դա ոչ մեկին չի խանգարել։ Այժմ Անկարայի ու Ստամբուլի փողոցներում հազարավոր ուսանողներ կան։ Նրանք ճեղքել են ոստիկանական շղթան, իսկ անվտանգության ուժերը պատասխանել են արցունքաբեր գազով և մահակներով։ Այս ֆոնին դոլարի փոխարժեքը մի քանի ժամում 36,5-ից հասել է ռեկորդային 40 թուրքական լիրայի։ Ֆոնդային շուկան փլուզվեց լիրայի փոխարժեքից հետո: