Իսրայելը Գազայի բնակիչների կամավոր արտագաղթի վարչություն կստեղծի

Իսրայելի պաշտպանության նախարարությունը այլ գերատեսչությունների հետ համակարգմամբ հատուկ վարչություն կստեղծի Գազայի հատվածի բնակիչների կամավոր արտագաղթի հարցերով, երկուշաբթի հայտնել Է գերատեսչության մամուլի ծառայությունը:

«Պաշտպանության նախարար Իսրայել Կացն այսօր քննարկում է անցկացրել Գազայի բնակիչների կամավոր մեկնման հարցի շուրջ, որի արդյունքում որոշել է, որ պաշտպանության նախարարությունում կստեղծվի Գազայի բնակիչների կամավոր մեկնման վարչություն։ Ծրագիրը ներառում է լայնածավալ օգնություն, որը թույլ կտա Գազայի ցանկացած բնակչի, որը ցանկանում է կամավոր մեկնել երրորդ երկիր, ստանալ ծառայությունների փաթեթ, որը, ի թիվս այլ բաների, ներառում է ծովով, օդով և ցամաքով մեկնելու հատուկ պայմաններ», - ասվում է հաղորդագրության մեջ: