Նիկոլ Փաշինյանը հրապարակավ ցուցադրում է իր կրթության կիսատ-պռատությունը

Տավուշի մարզից լրագրող Ոսկան Սարգսյանը գրում է․

Հանրային կոչվածով ցույց էին տալիս Նիկոլ Փաշինյանին, ով ինչ-որ հանդիպման ժամանակ ներկաներին բացատրում էր ազգի ու ժողովրդի տարբերությունը։ Բառացի չեմ կարող նրան ցիտել, սակայն նրա ասածի իմաստն այն էր, որ ազգը նույն ազգության մարդկանց ընդհանրությունն է , իսկ ժողովուրդը, ի տարբերություն ազգի, օժտված է իրավական գիտակցությամբ , իրավունքի սուբյեկտ է։ Վարչապետի պաշտոնը զբաղեցնող , բազում խորհրդականներ, օգնականներ ունեցող Նիկոլ Փաշինյանի կողքին չկա՞ խելացի մեկը, նրան հուշի, որ չիմացած , չսովորած բաների մասին պետք չէ ուրիշներին դաս տալ, մանավանդ՝ հրապարակային ձևով։ Ժողովուրդը որոշակի տարածքում ապրող մարդկանց պատմականորեն ձևավորված կայուն համախմբություն է։ Ազգը մարդկանց պատմականորեն առաջացած հանրություն է, որ բնորոշվում է լեզվի, տերիտորիայի, տնտեսական կյանքի և մշակույթի մեջ դրսևորվող հոգեկան կերտվածքի ընդհանրությամբ: <<Ազգ>> հասկացությունն արտահայտում է առավելաբար կազմակերպված ժողովրդի` հիմնականում պետությամբ, պետական կառուցվածքով ու կառույցներով, հասարակական-քաղաքացիական ինքնագիտակցությամբ: Պատմագիտական տեսակետ կա, որ ժողովուրդներ եղել են հնում և միջնադարում, իսկ նոր ժամանակներում ժողովուրդները ազգեր են դարձել։ Նիկոլ Փաշինյանի ասած՝ ժողովրդի իրավական գիտակցությունը միայն զարմանք ու տարակուսանք կարող է առաջացնել ։